Verdienstorden des Landes Baden-Württemberg

D Vordinschtmedallje bzw. dr Vordinschtorda vom Land Bada-Wirdaberg isch de hegscht Auszeichnong, wo des Land zo vorgeaba hot. Bis zom Johr 2015 hot dui Auszeichnong Vordinschtmedallje ghoißa; ab-em Jôhr 2016 hoißt-se Vordinschtorda ond ischt ganz nei gschdaldet wôrra.

Dialäkt: Schwäbisch

Bedeidong

Kriaga kennet so a Medallje bzw. an Orda soddiche Leit, wo herausragende Leischdonga fir d Allgemeinheit erbrocht hend, sei’s em soziala, kuldurella, wirtschaftlicha oder polidischa Bereich. Dui Zahl vo de Ordensträger ischt uff 1.000 leabige Persona begrenzt. Bericksichdicht werra sollet bei dr Vrgab älle Bevelkerongsgrubba.

Vorleihong

Vorliha wuud dui Auszeichnong seit 1975 emmer jedes Johr so om da 25. April rom vom jeweiliga Minischderpräsidenda.^[1] D Vorleihong fendet emmer e-ma feschdlicha Rahma e-ma landesoigena Schloss odr e-ma andra Prachtbau stadd, zom Beischbiil em Nuia Schloss z Stuegert, em Residenzschloss Ludwigsburg, em Schloss Friidrichshafa, em Schloss Schwetzenga oder en dr Villa Reitzenstein.^[2] An welche Leit dui Medaille bzw. der Orda vorliha werra soll, ko jeder beim Birgermoischderamt, beim Landratsamt odr direkt beim Staatsminischderium orega.

A kloina Auswahl vo de Geehrde[3]

• Josef Eberle, schwäbischer Schriftsteller (Pseidonim: Sebastian Blau) ond viile Johr dr Herausgeaber vo dr Stuegerter Zeidong
• Karl Färber, deitscher Publizischt
• HAP Grieshaber, deitscher Holzschneider, Grafiker ond Moler
• Kurt Georg Kiesinger, Bundeskanzler ond Minischderpräsident vo Bada-Wirdaberg
• Karl Münchinger, deitscher Dirigent
• Oscar Heiler, schwäbischer Volksschauschbiiler
• Fritz Leonhardt, deitscher Bauinschineer, Archidekt ond Hochschuellehrer
• Georg Thoma, deitscher Schischbrenger ond nordischer Kombiniirer
• Max Rieple, deitscher Schriftsteller
• Hans Filbinger, Minischerpräsident vo Bada-Wirdaberg
• Artur Fischer, deitscher Ondernehmer
• Eugen Keidel, deitscher Kommunalpolidiker
• Ernst Waldemar Bauer, deitscher Dokumentarfilmer ond Polidiker
• Gerhard Jung, Dialektdichder ond Liedermacher
• Martin Walser, deitscher Schriftsteller
• Gerhard Mayer-Vorfelder, deitscher Schbortfunkzionäär ond Polidiker
• Manfred Rommel, deitscher Kommunalpolidiker ond Autor
• Lothar Späth, deitscher Polidiker ond Manager
• Otto Borst, deitscher Hischdoriker ond Schriftsteller
• Richard von Weizsäcker, deitscher Polidiker
• Oskar Saier, deitscher Erzbischoff
• Anne-Sophie Mutter, deitscha Geigere
• Walter Fröhlich, deitscher Journalischt ond Schriftsteller
• Dieter Thoma, deitscher Schischbrenger
• Adrien Zeller, elsässischer Polidiker
• Rolf Böhme, deitscher Kommunalpolidiker
• Bruno Epple, deitscher Schriftsteller
• Horst Köhler, deitscher Polidiker
• Tomi Ungerer, elsässischer Grafiker, Illuschdrador ond Autor
• Manfred Bosch, deitscher Schriftsteller
• Walter Schultheiß, deitscher Volksschauschbiiler
• Fritz Kuhn, deitscher Polidiker
• Wolfgang Schäuble, deitscher Polidiker
• Erwin Teufel, deitscher Polidiker
• Robert Zollitsch, deitscher Erzbischoff
• Ulrich Fischer, deitscher Landesischoff
• Günther Oettinger, deitscher Polidiker
• Christoph Sonntag, schwäbischer Kabareddischt

Weblink

• Älles Wissenswerde ibr dui Auszoichnong ond a-ma Bildle vom ganz neia Orda, wo zom erschda Mol 2017 firs Johr 2016 vorliha werda ko.