Verkehrsbetriebe Zürich

D Vercheersbetriib Züri (VBZ) sind s stedtische Unterneme vo Züri, wo för de öffetlichi Vercheer i de Stadt verantwortlich isch. Si unterhaltet 13 Tramlini, ai Standsailbaan, 6 Trolibuslini, 16 Autobuslini, 11 Quartierbuslini und denn no 27 Regionalbuslini usserhalb vom Stadtgebiet. Witters sind d VBZ ono för drai Privatbaane verantwortlich: s Polybäänli isch e Standsailbaan, d Dolderbaan isch e Zaaradbaan und d Forchbaan, wo is Zörcher Oberland faart. Sit 1990 ghöret d VBZ zum Zürcher Vercheersverbund.

Verkehrsbetriebe Zürich
Basisinformatione
Webpräsenz	VBZ
Eigedümer	Stadt Züri
Vorstand	Andres Türler
Bedriibsleitig	Guido Schoch
Verkehrsverbund	Zürcher Verkehrsverbund
Beschäftigti	2371 (31. Dez. 2008)
Linie
Spurwiiti	1000 mm (Meterspur)
Tram	14
Bus	54
Sustige Linie	6 Trolleybuslinie 1 Standseilbahn
Zahl vo de Fahrzüüg
Tram	öbbe 320
Omnibus	öbbe 181
Sustigi Fahrzüüg	öbbe 80 Trolleybus
Statistik
Fahrgest	317,98 Mio. pro Jahr
Fahrleistig	31,263 Mio. km pro Jahr
Haltstelle	781
Lengi vom Linienetz
Straßenbahnlinien	113,1 km
Buslinie	870,1 km
Sustigi Bedriibsiirichtige
Depots	5 Tramdepot 2 Busgarage
Sustigi Bedriibsiirichtige	Zentralwärkstatt Altstette 1 Bus-Stützpunkt
Lengi vo de Gleisaalage	166,2 km

D VBZ beschäftiget guet 2200 Lüt und gutschieret im Joor öber 300 Milioone Pasaschier dur d Stadt, die maiste mitem Tram. De Strom beziehnds vum Eleggtrizitätswärch vu d'r Stadt Züri.

Zürcher Tramlinie

Linie	Strecki
2	Tüüffebrune – Bellevue – Paradeplatz – Stauffacher – Farbhof
3	Albisriede – Stauffacher – Hauptbaanhof – Chunschthuus – Chluusplatz
4	Tüüffebrune – Bellevue - Central – Escher Wyss-Platz – Bhf. Altstätte Nord
5	(Laubegg –) Bhf. Ängi – Bellevue – Chile Fluentere (– Zoo)
6	(Bhf. Ängi –) Hauptbaanhof – Zoo
7	Wolishofe – Paradeplatz – Hauptbaanhof – Milchbuck – Bhf. Schtepach (Stettbach)
8	(Chlusplatz –) Bellevue - Paradeplatz – Hardplatz
9	Hirzebach – Milchbuck – Bellevue – Stauffacher – Höiried (– Triemli)
10	Hauptbaanhof – Milchbuck – Bhf. Öörlike Oscht - Glattpark - Fluughafe Chloote
11	Rehalp – Bellevue – Hauptbaanhof – Buecheggplatz – Bhf. Öörlike – Auzälg
12	Bhf. Schteppach - Walliselle - Auzälg - Glattpark - Fluughafe Chloote
13	Albisgüetli – Bhf. Ängi – Hauptbaanhof – Escher Wyss-Platz – Franketal
14	Triemli – Stauffacher – Hauptbaanhof – Milchbuck – Seebach
15	Buecheggplatz – Central – Bellevue – Chluusplatz
17	Hauptbaanhof – Escher Wyss-Platz – Werdhölzli

d Kobra, vorem Kafi Odeon

s Rösslitramm um 1900