Vollèges
From Wikipedia, the free encyclopedia
Remove ads
Vollèges (fp. [a vwɔˈlaidzɔ]) isch en Munizipaalgmei im Bizirk Entremont im Kanton Wallis, Schwiz.
| Dialäkt: Wallisertitsch |
Remove ads
Geografii
Vollèges liggut am Igang zum Val de Bagnes. Zer Gmei gcheerunt di Deerfer Vollèges, Le Levron, Chemin-Dessus und Vens und d Wiiler Etiez und Cries. Vaner Gmeiflächi sind 24,5 % landwirtschaftlichi Flächi, 56,1 % Waald, 6,1 % Sidligsflächi und 13,3 % annri Flächine.[2]
Ds Doorf isch am Rand vam riisigu Schuttfächer vom Bäärgbach Merdenson entschtannu. Zer Gmei gcheerunt nu d chleinu Doorjini Le Levron und Vens und ds Feeriudoorf Chemin-Dessus ufum Bäärgrigg oberhalb va Martinach.
Remove ads
Gschicht
Vollèges isch zum eerschtu Mal im Jaar 1150 als Octiet (1178 als Villezo) erwäänts cho. Dr Oortsnamu chunnt vam latinischu Villaticum.
Am Mont Chemin hets friener verschiduni chleini Bäärgwäärch gcha, fer Blii und Iisu z gwinnu.[3][4][5][6]
Iwoner
Quälla: Bundesamt fer Statistik 2005[7]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iwoner | 869 | 882 | 964 | 958 | 943 | 910 | 980 | 974 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iwoner | 957 | 1012 | 993 | 1006 | 956 | 1024 | 1206 | 1309 |
Dr Üsländerateil isch 2010 bi 5,9 % glägu.[2]
Religioo
90,8 % vanu Iwoner sind im Jaar 2000 römisch-katholisch gsi, 3,3 % evangelisch-reformiert.[2]
Politik
Dr Gmeipresidänt va Vollèges isch dr Christophe Maret (Stand Oktoober 2017).
Spraach und Dialäkt
Bi dr Volchszellig 2000 heint vanu 1309 Iwoner 0,9 % Titsch als Höiptspraach agigä, 98 % Französisch, 0,4 % Italienisch und 0,7 % annri Spraache.[2]
Dr tradizionell Dialäkt va Vollèges gcheert zum Frankoprovenzalischu.
Literatüür
- Mathias Vust: Le Mont Chemin: hommes d'hier, Nature d'aujourd'hui. Siders 2010.
Weblink
- Website vaner Gmei Vollèges
- Jean-Yves Gabbud: Vollèges In: Historisches Lexikon vo dr Schwiiz.
Amerkige
Wikiwand - on
Seamless Wikipedia browsing. On steroids.
Remove ads