Walo Lüönd
From Wikipedia, the free encyclopedia
Remove ads
Dr Walo Lüönd (* 13. April 1927 z Zug; † 17. Juni 2012 z Locarno[1]; haimetbrächtigt z Routeturä) isch e Schwyzer Schauspiiler gsii. Är isch vor allem bekannt gsii dur syni Hauptrollen in dr Film Dällebach Kari un Die Schweizermacher an dr Syte vum Emil Steinberger un dur d Roll vum Rodriguez in dr ARD-Serie Auf Achse.

Lääbe
Dr Walo Lüönd isch dr Suhn vum Konditor Oswald Lüönd gsii. Är isch z Zug uf d Schuel gangen un het vu 1942 bis 1946 e Lehr zum Herreschnyyder gmacht. Ab 1945 het er Oobekurs im Schauspiilunterricht gnuu un vu 1948 bis 1951 het er en Uusbildig am Bühnestudio Züri gmacht. Erschti Ufdritt het er ab 1949 am Schauspiilhuus un bim Cabaret Fédéral z Züri ghaa, 1952 bis 1953 het er Ufdritt ghaa am Stadttheater Basel. Im Lauf vu dr Johr isch er au an andere Theater im dytschsprochige Ruum ufdrätte, an dr Kammerspiel un am Residenztheater z Münche, an dr Städtische Bühne Essen, an dr Volksbühne Berlin un ab 1967 as Gaschtschauspiiler am Neumarkttheater Züri. Feschti Engaschmänt het er ghaa am Schauspiilhuus Züri (1972-1978) un am Stadttheater Basel (1978-1985). Ab 1985 isch er freischaffende Schauspiiler gsii. Syter anne 1962 het er au fir s Färnseh un Film gschafft, in dyschte un Schwyzer Produktione. Sy letschten Ufdritt het er anne 2010 in dr Verfilmig vum Roman «Der grosse Kater» vum Thomas Hürlimann ghaa.
Är isch syt 1957 mit dr Schauspiileri Eva-Maria Bendig ghyrote gsii un het zwee Sihn ghaa, dr Daniel (1957–1987) un dr Oliver (* 1958). Di leschte Johr vu sym Lääbe het dr Lüönd im Kanton Tessin gläbt.[2]
Dr Walo Lüönd isch uf em Gmaindsfriidhof Schachen z Untersiggenthal, Kanton Aargau begrabe wore.[3]
Remove ads
Uuszaichnige
Film un Färnseh
|
|
Literatur
- Thomas Hostettler: Walo Lüönd. In: Andreas Kotte (Hrsg.): Theaterlexikon der Schweiz. Band 2. Chronos, Zürich 2005, ISBN 3-0340-0715-9, S. 1140 f.
Weblink
- Walo Lüönd in dr Internet Movie Database
- Hansruedi Lerch: Walo Lüönd In: Historisches Lexikon vo dr Schwiiz.
Fueßnote
Wikiwand - on
Seamless Wikipedia browsing. On steroids.
Remove ads