Albstadt isch a Stadt im Side vu Bade-Wirttebärg uf dr Schwebische Alb, eppen uf halbem Wäg zwische Stuegert un em Bodesee. Die Stadt isch 1975 im Ramme vu dr Gebietsreform nej bildet wore. Albstadt isch di grescht Stadt im Zollerealbchreis un bildet a Mittelzäntrum fir d Umlandgmeine. Bi ihre Grindig isch si zuen ere Große Chreisstadt ghobe wore, di frijer Stadt Ebenge isch scho syt em 1. Augschte 1956 Großi Chreisstadt gsi. Mit dr Nochbergmei Bitz het d Stadt Albstadt a Verwaltigsgmeinschaft veryybart.