D Komore, amtli syt 2001 Udzima wa Komori „Union vu dr Komore“, bilde ne federale Inselstaat im Indische Ozean am nerdlige Uusgang vu dr Stroß vu Mosambik zwische Mosambik un Madagaskar. Si umfasse drei vu dr vier Hauptinsle vum Komorenarchipel. Des sin Grande Comore (Njazidja), Anjouan (Nzwani), Mohéli (Mwali) un chlaineri Insle. Di viert Hauptinsle Mayotte (Mahoré) isch e franzesisch Ibersee-Département. D Union vu dr Komore stellt aber Aasprich uf Mayotte.