From Wikipedia, the free encyclopedia
انقذوا الوطن شعار حمله حركة "شركاء من اجل الوطن" المصريه فى بيانها اللى اصدرته يوم 7 سبتمبر 2009 كإحتجاج على الإجراءات القمعيه اللى قامت بيها السلطات المصريه ضد المصريين اللى جهروا بعدم صيامهم فى نهار شهر رمضان و اللى اعتبرته غير دستورى وانتهاك للحريات العامه للمواطنيين المصريين.
| ||||
---|---|---|---|---|
تعديل |
كان جديد على مصر ان تقوم السلطات بعمل حمله " امنيه " بمعاقبة المصريين اللى مش صايمين ، و لغرابة الموضوع و معارضته لحقوق الانسان ابدت منظمات حقوق الانسان فى مصر أسفها و اعتراضها على الاساليب القمعيه المتعسفه دى ، خاصة إن القانون المصرى مافيهوش إشارة لمعاقبة اللى مش بيصوموا فى رمضان ، و قالت منظمه إن الإتجاه ده بيبين إن مصر فى طريقها للتحول ل " طالبان " جديده. و قالت الأخبار إن البوليس قبض على اكتر من 150 مواطن من مواطنين مصر فى نواحى متفرقه من مصر و عمل لهم محاضر جنحة " جهر بالإفطار فى نهار رمضان " و حطهم فى السجون.
المتحدث باسم "شركاء من اجل الوطن" صرح بإن المنظمه وجهت بيان لوزير الداخليه تناشده بفتح تحقيقات موسعه مع ظباط بوليس الغردقه و الدقهليه وأسوان ، و تحويلهم لمحاكمات عادله يكون فيها الجزاء رادع لكل اللى سولت له نفسه المشى ورا افكار تهدد الوطن ، خشية إن مصر تتحول لطالبان تانيه.
وانتقد جمال عيد مدير الشبكه العربيه لحقوق الانسان الحمله دى و أكد إنها مش قانونيه و وصف اللى بتعمله وزارة الداخليه بإنه " مزايدة من الحكومة على الدولة الدينية " ، و اعتبره دليل على التشدد الدينى اللى اتصاب بيه بعض رجال البوليس.
و صرح ماجد حنا المحامى بإنه مايعرفش أى عقوبه فى القانون و لا أى تهمة من الاساس بتتسمى "الجهر بالافطار"، و إن التهمه دى مالهاش مثيل فى أى قانون إلا فى القوانين السعوديه و الباكستانيه الطالبانيه. و وضح ان بقى فيه خوف من إن البوليس المصرى يقبض على الستات اللى بيلبسو البنطلونات ( زى ما حصل ل لبنى الحسين فى السودان ) او اللى بيحطو مكياج.
التعسف من النوع ده موجود فى بلاد تانيه و كان من سيمات عصور الظلام.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.