From Wikipedia, the free encyclopedia
الجيم المصريه هو مصطلح بيتقصد بيه نطق [ɡ] للحرف ج (زى حرف g فى الكلمه الانجليزى "game").[1][2][3][4][5][6][7][8] هو كمان واحد من الأصوات الصحيحه[1][2][3][4][9][10][11] للحرف و "الأفصح"[11] فى اللغه العربى القياسى الحديث, المعروفه أكتر بإسم, العربى الفصيح. التقليد ده مش بس مقتصر على مصر , لكن موجود كمان فى سلطنة عمان و سواحل اليمن. ساعات المصطلح بيمتد لوصف النطق ده بحروف تانية, زى الـ"ق" او الـ"ك".[5][7][8]
فى اللغه العربى الكلاسيكى, الحرف ده كان بيعبر عن نطق */ɟ/[12] او */ɡʲ/.
العربى الكلاسيكى هو لغة القرآن اللى كان فيها النطق مختلف زى ما اتوصف فى الپاراجراف اللى فات, لكن برا السودان و اليمن, ماحدش بيعرف ينطق الصوت الأصلى, و دلوقتى لما مقرئين القرآن فى العالم بيقرو حرف الـ ج, بينطقوه [d͡ʒ] او [ʒ], و دول معروفين بمصطلح ”جيم مُعَطّشَه“,[10][13] فى مصر.
المصريين بيكتبوا حرف ج لنطق /g/ و بيكتبوا چ[13] (جيم بتلات نقط) لنطق /ʒ/ (اللى ممكن يكون تقريب لنطق /d͡ʒ/). حرف چ فى الاساس من العثمانلى و بيتنطق /t͡ʃ/ ”تش“ و حرف گ (كاف عليها شرطه) بيتنطق /ɡ/ زى نطق المصريين, سلطنة عمان, و الساحل اليمنى للـ ج.
فى شمال افريقيا و غرب اسيا, حرف ج ممكن يتكتب لكل الاصوات دى ([ɡ], [ʒ], [d͡ʒ], و غيرهم). فى العراق و لبنان و سوريا, ممكن يستعملو حرف گ (كاف عليها شرطه) لنطق /ɡ/, فى المغرب, ممكن يستعملو حرف ݣ (كاف بتلات نقط), فى تونس و الجزاير, ممكن يستعملو حرف ڨ (قاف بتلات نقط). فى العراق و لبنان و سوريا, ساعات بيستعملو حرف ك عشان يكتبو نطق /ɡ/. فى دول الخليج, بيستعملو ق. فى لبنان, سوريا, الاردن, و على قناة الجزيره, ممكن يستعملو غ. فى اسرائيل, بالذات, حرف چ (جيم بتلات نقط) ممكن يستعمل لنطق /ɡ/, لكن فى العراق و الخليج, ممكن يستعملوه لنطق /t͡ʃ/.
يذكر علماء اللغة أن للجيم فى العربية صورا نطقية عديدة كلها صحيحة وردت عن العرب فى مصادر الدراسات اللغوية الكبرى مثل الكتاب لسيبويه, و الخصائص لابن جنى، و طيّبة النشر لابن الجزرى, و غيرهم [...] فالساميات القديمة لم يكن فيها من صور نطق الجيم إلا هذه الصورة [...] كما يقول سيبويه.
— د.خالد عاشور, "الجيم (المصرية)"[2]
الجيم كما تُنطق فى مصر غير معطّشة, و لاسيّما فى الكلام, لا غبار على فصاحتها.
— د. محمد داود التنور, "ألفاظ عاميّة فصيحة"[9]
الصوت | بيتنطق فين | تعليق | نطق القاف | الـ/ɡ/ بيتكتب ازاى |
---|---|---|---|---|
[ɡ] | مصر اليمن (الساحل) سلطنة عمان | النطق الأصلى[10][11][14] و الحالى فى كل اللغات الساميه[2] | [ʔ] ء او [q] (اتحافظ عليه) | ج |
[ɟ] | اليمن السودان مكه (اللهجه التاريخيه) | النطق العربى القديم (نطق محمد); النطق السودانى [ɟ~ɟ͡ʝ~d͡ʑ~ʑ][15] | [ɢ] (شبه الجيم المصريه لكن من مكان القاف)[16][17] او [q] (اتحافظ عليه) | |
[d͡ʒ] | شبه الجزيره العربيه صنعاء جنوب مصر سينا لبنان (الجبال) سوريا الاردن (الريف) الجزاير (الشمال) | "جيم معطشه" شديده[10] (النطق اللى اخده الفرس و اللى اتبعهم) | [ɡ][18] زى الجيم المصريه او [q] (اتحافظ عليه) | ج غ ق ك گ ڨ ݣ چ |
[ʒ] | شرق شبه الجزيره العربيه لبنان سوريا الاردن فلسطين (الضفه الغربيه و غزه) اسرائيل ليبيا تونس الجزاير (الجنوب) المغرب موريتانيا جيبوتى جزر القمر | "جيم معطشه" مخففه[10] | [ʔ] ء او [q] (اتحافظ عليه) | |
[j] | شرق شبه الجزيره العربيه | زى نطق الـ يـ فى اول الكلام | [d͡ʒ] حوالين الـ/i/, مثلاً كلمة الشارقه /eʃʃaːriqa/, بتتنطق [ɐʃˈʃɑːrd͡ʒɐ] فى الحالات التانيه, [ɡ] زى الجيم المصريه | ق |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.