شيلديريك الاولانى
From Wikipedia, the free encyclopedia
شيلديريك الاول (اتوفى سنه 481 م) من سلالة ميروڤينجيين و ملك الفرانكس السليان و ابو الملك كلوفيس الاول.مسك الحكم بعد ابوه ميروڤيتش(ميروفيوس).مسك الحكم فى منطقة تاكسوندريا ( جزء من بلجيكا , نيديرلاند دلوقتى). حارب مع الرومان فى سنه 463 و قدروا يمنعوا هجمات الفيسيجوث و كمان شارك مع الرومان فى صد هجمات قبايل جرمانيه تانيه على منطقة الغال اللى تحت الحكم الرومانى.اخد القاب و شوية نفوذ و شرعية على منطقة تاكسوندريا من الامبراطورية الرومانية كمكافأة ليه على مساعدته فى حروبهم.
| ||||
---|---|---|---|---|
(بالفرنساوى: Childéric Ier) | ||||
معلومات شخصيه | ||||
الميلاد | سنة 436 [1][2] | |||
الوفاة | سنة 481 (44–45 سنة)[1][3][2] | |||
مكان الدفن | تورناى | |||
الزوجة | باسينا تورينجن [4] | |||
ابناء | كلوڤيس الأول [5] | |||
الاب | ميروفيوس [4] | |||
عيله | ميروڤينجيين [4] | |||
معلومات تانيه | ||||
المهنه | عاهل [4] | |||
تعديل مصدري - تعديل |
رغم ان شيلديريك جاب اراضى و نفوذ للفرانكس السليان و كان الناس بتحترمه كمحارب بس الفرانكس ثاروا عليه و خيروه ما بين القتل او النفى, بسبب علاقته الكتيره مع ستات و اللى كانت مرفوضة من الفرانكس, و قدروا يخلعوه من الحكم و يتنفى بره مملكته. قبل ما يخرج من البلد ادى لواحد صاحبه نص عملة دهب و اخد النص التانى معاه و طلب منه يبعت ليه النص بتاعه لما الظروف تتغير و يقدر يرجع تانى.شيلديريك فضل فى المنفى 8 سنين و اتجوز من باسينا بنت ملك ثرنجيا اللى كان مقيم فى مملكته, لحد ما الظروف اتغيرت بسبب احساس الفرانكس بسيطرة و قوة نفوذ الرومان عليهم لما شيلدريك اتنفى و خوفهم من مسح هويتهم و حسوا انهم محتاجين شيلديريك كملك تانى و رجع مع مراته باسينا و اترحب بهم. مات شيلديريك فى عاصمته تورناى سنه 481 و ساب الحكم لابنه كلوفيس الاول اللى قضى على نفوذ الرومان على الغال و حكمها بعد كدا.اكتشفوا قبر شيلديريك الاول فى منطقة فى يوم 27 مايو 1653 و لقوا فيها ممتلكات دهبية و سيوف و لبس قائد فى الجيش الرومانى و الخاتم بتاعه اللى كان مكتوب عليه "ملك شيلديريك الملك".للئسف الكنوز اللى كانت فى مقبرة شيلديريك اتسرقت من المتحف اللى كانت فيه فى 5-6 نوفمبر 1831 و الحراميه سيحوا الممتلكات عشان الدهب و منجاش من ممتلكات شيلديريك الا ممتلكات بسيطة من الكنز الاصلى.
كان زعيم فرنجى فى الجزء الشمالى من بلاد الغال الإمبراطورية الرومانية وعضو فى العيله الميروفنجية ، يوصف بأنه ملك (ريكس لاتيني)، والاتنين على خاتمه ذو الطراز الرومانى اللى دفن معه ، وفى سجلات لاحقة مجزأة عن حياته. كان والد فلافيوس كلودوفيتشوس ، اللى اخد سيطرة فعالة على كل أو معظم ممالك الفرانكيين، وجزء كبير من بلاد الغال الرومانية.[6]