From Wikipedia, the free encyclopedia
الطوعم أو اللقاح (بالانجليزى: Vaccine) هوه ماده بيولوجيه بتوفر مناعه مكتسبه نشيطه ضد مرض معدى معين.[1] الطوعم بيتصنع فى أغلب الأحيان من مخلوق ميكروسكوبى بيشبه تركيبه تركيب المخلوق المسبب للمرض، وبيتصنع يا من جزء ميت من الجرثوم، أو جزء متضعف منه، أو من سمومه، أو بروتيناته السطحية.[2] وبيعمل على انه يحفز جهاز المناعة على انه يتعرف على الجسم الضار ده ويشوفه كتهديد ويقضى عليه، ويطلع أجسام مضادة ليه وكأنه المرض الفعلى ويتعرف عليه لما يواجهه أو الأجسام مشابهة ليه مرة تانية، وبيكون الجسم مناعة منه مع عدم التعرض للمرض نفسه.[3][4]
فيه 4 أنواع أساسيين من التطعيمات وهما:
التطعيمات بتدى وقايه (منع أو تخفيف آثار العدوى فى المستقبل) من مسببات الأمراض الطبيعية، أو العلاجية زى طوعم السرطان اللى لو اتوفر ممكن يمنع تكون السرطان. التطعيمات بتدى للجسم مناعة من الأمراض الخطيرة أو اللى مش خطيرة من غير ما يضطر الواحد انه يتصاب بيها، واللى لو اتصاب بيها الشخص ممكن تضره جسمه بشكل كبير جدا. أغلبية الأنواع من التطعيمات بتتطلب من الشخص انه ياخد جرعات تنشيطية منها كل فترة عشان يعيد تحفيز جهاز المناعة بتاعه ضد الجراثيم المتطعم ليها. بتتأثر فعالية التطعيمات بعوامل مختلفة ليها علاقة بحالة جسم الشخص اللى بيتطعم و/أو جسم الجرثومة اللى بيتطعم ليها.[5][6][7][8]
موريس هيلمان كان دكتور و عالم اخترع و طور تمانيه من التطعيمات الاربعتاشر فى جدول التطعيمات الاساسية فى اغلب دول العالم منهم طوعم الحصبه، طوعم الغده النكافيه ، طوعم الكبد الوبائى A و B ، طوعم الجدرى المائى، طوعم الحمى الشوكية، طوعم الالتهاب الرئوى الحاد و طوعم الهيموفيلاس انفلونزا.[9] ادوارد جينر طور أول طوعم ضد مرض معدى فى 1796، و هو كان طوعم الجدرى اللى كان أساسه استخدام فايرس الجدرى البقرى عشان يدى مناعة من الجدرى اللى أكتر خطورة منه.[10][11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.