فاردينافيل
From Wikipedia, the free encyclopedia
From Wikipedia, the free encyclopedia
ڤاردينافيل Vardenafil (الاسم التجاري: ليفترا) واحد من كابتات الانزيم PDE5 لعلاج الضعف الجنسي من شركه باير Bayer.
تسويق ليفترا كان مشترك بين الشركتين باير Bayer وجلاكسو GsK وشيرنج بلف Schering-Plough لكن فى سنه 2005 تركت جلاكسو لباير الحقوق فى الترويج له بره امريكا, اما جلاكسو فبتبيعه فى امريكا باسم فيفانزا Vivanza لكن بسبب قوانيين الاتحاد الاوروبي بدات فيفانزا هيا كمان يستوردوها فى الاتحاد الاوروبي وتتباع مع ليفترا. ليفترا تاني دوا توافق عليه اداره الاغذيه والادويه الامريكيه FDA بعد فياجرا وقبل سيالس والموافقه دي كانت فى 19 اغسطس 2003.
زي فياجرا وسيالس بتعالج الضعف الجنسي (ضعف الانتصاب) بس مده شغل ليفترا اقل شويه من فياجرا.
اثارها الجانبيه زي باقي كابتات الانزيم PDE5 (فياجرا - سيالس) لكن العرض اللى بيتكرر معاها بشكل خصوصي هوا غمامان النفس اما باقي الاعراض اللى مش متكرره زي مغص فى البطن, وجع الضهر, حساسيه للنور وزغلله ووجع فى العين, نفخه فى الوش, علو الضغط وبلبطه فى القلب, زياده سرعه ضربات القلب, هرش ووجع فى العضلات وممكن يحصل انتصاب مستمر(Periapism). مصدر (Rossi, 2004) العرض الخطير بأه - لكنه نادر - واللي بيحصل مع ليفترا هوا السكته القلبيه.وكمان فى بعض الحالات النادره ممكن يدمر انسجه العضو الذكري (Health Canada (2006).(محتاجه مصدر)
فى 18 اكتوبر 2007 نوهت FDA انه ممكن يحصل طرش فجائي وانها هتحط استيكر جوه كل المنتجات دي تحذر الناس من مشكلة السمع دي.
زي باقي المجموعه مينفعش وكمان خطر جدا انها تتاخد مع ادويه النيترات (من ادويه الذبحه) لانها ممكن تؤدي لوطيان الضغط بشكل يموت.
2.5 و 5 و 10 و 20 ملي جرام (بيختلف توفر التركيزات دي من بلد لبلد). حبايه برتقاني مدوره. العشره ملي من ليفترا بيساوي 50 ملي من فياجرا.
بتتاخد قبل المعاشره بساعه او ساعتين مره واحده فى اليوم.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
