قلعة الجبل
From Wikipedia, the free encyclopedia
قلعة الجبل بدا تشييدها صلاح الدين الأيوبى فوق جبل المقطم فى القاهرة عشان تبقى حصنه و مقر حكمه بس عمره ما سكن فيها. سكنها سلاطين الايوبيه بعده لغاية عهد الصالح أيوب اللى نقل مقر الحكم و مكان اقامته مع مماليكه لجزيرة الروضه وسط نيل القاهره. بعد وفاة الصالح أيوب و نشؤ الدوله المملوكيه فى مصر بقت قلعة الجبل مكان اقامة و مقر حكم سلاطين مصر اللى اتوسعوا فى البنا فيها و حواليها خاصة فى عهد السلطان قلاوون و ولاده الأشرف خليل و الناصر محمد. فضلت قلعة الجبل ، و هى القلعه اللى بيعرفها المصراويه باسم قلعة صلاح الدين ، مقر لحكام مصر لغاية عهد محمد على اللى بنا على حرمها الجامع الكبير المعروف باسمه. المتحف الحربى المصرى اللى بيعرض أمجاد مصر العسكريه عبر التاريخ بيشغل دلوقتى جزء من المكان. قلعة الجبل لعبت دور كبير فى تاريخ مصر و العالم.
معلومات سريعة قلعة الجبل, (بالعربى: قلعة صلاح الدين الأيوبي) ...
| ||||
---|---|---|---|---|
(بالعربى: قلعة صلاح الدين الأيوبي) | ||||
التسميه الاصليه | (بالعربى: قلعة صلاح الدين الأيوبي) | |||
قلعه | ||||
البلد | مصر | |||
التقسيم الادارى | محافظة القاهره | |||
سنة التأسيس | 1176 | |||
تاريخ الافتتاح الرسمى | 1183 | |||
احداثيات | 30°01′46″N 31°15′41″E | |||
تعديل |
إغلاق