نظام شمسى
From Wikipedia, the free encyclopedia
النظام الشمسى بيتكون من الشمس و الكواكب و بقية الاجسام التانيه المرتبطه بجاذبية الشمس.
| ||||
---|---|---|---|---|
جزء من | درب اللبانه | |||
بيتكون من | ||||
معرض صور نظام شمسى - ويكيميديا كومنز | ||||
تعديل |
الشمس بتعتبر نجمه حجمها متوسط ضمن مجرة درب اللبانه. النظام الشمس عدد كواكبه 8 (كان عدد كواكبه 9 قبل 2006 لما رجعو تصنيف بلوتو من كوكب و خلو اسمه كوكب قزم) و عدد اقماره حوالى 160 قمر طبيعى و فيه عدد كبير جدا و موش معروف من الكويكبات (كواكب صغيره) و النيازك و كميه مهوله من الغبار اللى بيكون بين الكواكب. النظام الشمسى عمره حوالى 4.5 ميليار سنه. الشمس و القمر و الكواكب اللى بتلمع فى السماء ممكن تتشاف بالعين المجرده من على الارض و الفلكيين زمان كانو حسبو و لاحظو و درسو حركاتهم و دا كان الاساس اللى قام عليه علم الفلك (Astrnomy).فى يومنا دا علم الفلك علم معقد و فيه كم هائل من المعلومات عن خصائص و تركيب الاجسام السماويه و حركاتها و المدى اللى وصلت ليه الادوات فى دراسة النظام الشمسى و الحاجات اللى بتكون ورا النظام الشمسى فى وقت طويل.