From Wikipedia, the free encyclopedia
هى فوضى..؟ ، فيلم مصرى ، بإنتاج مصرى-فرنساوى مشترك ، بيوضح فساد و تجاوزات البوليس فى مصر و الفساد و القمع و الفوضى اللى فى مصر عموما. الفيلم من كتابة ناصر عبد الرحمن و اخراج مشترك بين يوسف شاهين و خالد يوسف. بيعتبر الفيلم ده اخر افلام يوسف شاهين و اتعرض فى سنه 2007.
| ||||
---|---|---|---|---|
بوستر الفيلم | ||||
الصنف | فيلم دراما | |||
تاريخ الصدور | 26 نوفمبر 2007 | |||
مدة العرض | 124 دقيقة | |||
البلد | مصر | |||
اللغه الاصليه | عربى | |||
الطاقم | ||||
المخرج | يوسف شاهين خالد يوسف | |||
الكاتب | ناصر عبد الرحمن | |||
البطوله | خالد صالح منة شلبى يوسف الشريف هالة صدقى هاله فاخر | |||
موسيقى | ياسر عبد الرحمن | |||
صناعه سينمائيه | ||||
توزيع | نيتفليكس | |||
معلومات على | ||||
اولموڤى.كوم | v410166 | |||
IMDb.com | صفحة الفيلم | |||
السينما.كوم | صفحة الفيلم | |||
FilmAffinity | 891421 | |||
تعديل |
الفيلم بتدور حاولين شخصية "حاتم" (خالد صالح) امين البوليس اللى بيستغل منصبه لقهر الناس فى منطقته و اللى بيمثل السلطة و البوليس فيها ، اللى بيخافوا منه و بيكرهوه ، و بيحقق مصالحه الشخصية عن طريق الرشاوى و الاتاوات اللى بيفرضها على الناس و التزوير و السرقة و اتشهرت جملته اللى بيرددها معظم الفيلم " اللى ملوش خير فى حاتم ، ملوش خير فى مصر". الحاجة الوحيدة اللى ميقدرش يسيطر عليها هى جارته المدرسة "نور" (منه شلبى) اللى بيحبها و هى مش بتحبه و بترفض ظلمه و فساده و بتحب وكيل النيابة "شريف" (يوسف الشريف) و احداث الفيلم مليانه اسقاط سياسى و ثقافى للحالة اللى بتعيشها مصر من فوضى و فساد و حماية الدولة للفاسدين و ظلم و سوء استغلال البوليس لقانون الطوارئ و تزوير الانتخابات و التعذيب فى الاقسام و السجون، و احداث الفيلم بتبتدى بتوضيح مدى الظلم و الفساد و قهر السلطة ( المتمثلة ليها شخصية حاتم امين البوليس و ظباط القسم الشغال فيه) و مابين ضمير المجتمع اللى بيرفض كل الافعال دى ( المتمثل فى وكيل النيابة شريف و شخصية ام نور "بهية" ( هالة فاخر) و شخصية ام شريف الناظرة فى مدرسة نور (هالة صدقى)) و المواجهات اللى بتحصل بين كل فئة و بيخلص الفيلم بثورة اهل المنطقة على امين البوليس الظالم حاتم و الظباط البوليس اللى عارفين فساده و بيحموه ، و بيهاجموا القسم و بيحرروا نشطاء سياسيين مقبوض عليهم ظلم و بدون وجه حق و بيخلص الفيلم بالخلاص من حاتم .[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.