From Wikipedia, the free encyclopedia
وصف ناصر خسرو لبلاد العرب هو اللى كتبه ابو معین ناصر بن خسرو ( 1003 - 1088 ) عن بلاد العرب اللى زارها فى كتابه المشهور سفرنامه. ناصر خسرو كان رحاله و شاعر فارسى كبير اشتهر بديوانه " الديوان " اللى بيعتبر من ارقى اللى اتكتب فى الادب الفلسفى الفارسى. زار ناصر خسرو مصر و عاش فى القاهره اكتر من تلت سنين فى وقت رحله عملها من سنة 1045 لسنة 1052 الف عنها كتاب مهم اسمه " السفرنامه " حكى فيه عن رحلته اللى خدت سبع سنين و سجل احداثها يوم بيوم. تلت الكتاب عن مصر و صف فيه انطباعاته عنها و عن اللى شافه فيها فوصف قصور القاهره و اسوارها و ابوابها و عادات سكانها و بيوتهم و اكلاتهم انبهر ناصر خسرو بمصر و وصف معابدها و متاجرها و قال عن القاهره بإنها " مدينة قل نظيرها " .[1] و اندهش لوجود كل انواع الفاكهه و الخضار فى الاسواق مع انها بتنتمى لمواسم مختلفه و لاحظ ان المصريين اغنيا و ميسورين جداً [2]
بعد خسرو ما زار مصر سافر على الحجاز و اليمن اللى سماهم " بلاد العرب " و وصف حالة العيشه هناك و انها مناطق " قليلة الخصب و يسكن اهلها الصحراء و يملكون الدواب و المواشى و يقيمون فى الخيام " .[3] و ذكر ان هناك كانو بيسمو الاجنبى " صيد " و قال : " اذ أن كل أجنبى يرونه يسمى صيداً " [4] ، و قابل ناس ما داقوش فى حياتهم حاجه غير لبن الجمال اكمن على حد قوله : " ليس فى هذه الصحراء غير علف فاسد تأكله الجمال " و ذكر انهم كانو فاكرين ان الدنيا كلها شكلها كده، و الضب [5] كمان كان بيتاكل هناك لكن ناصر خسرو قرف ياكله فكان بيعتمد على اكل ثمر من شجر وصفه بإنه كان فى حجم البسله. و اجر من العرب جمال كان بيتنقل بيها تنقلات وصفها بقوله : " ظللت اتنقل من قوم الى قوم و أجد فى كل مكان خطراً وخوفاً " [4] و بيحكى انه عدى على مناطق سكانها كانو فى غاية الفقر و البؤس لكن بالرغم من كده " فإنهم كل يوم فى حرب و عداء وسفك دماء ".[6] و بعدها راح على البصرة و وصلها فى 28 ديسمبر سنة 1051 و وصفها بإنها " كان معظمها خراباً " [7] هناك جريو الناس وراه هو وصحابه و ضربوهم بالطوب ، و من هناك عدى ايران و رجع لبلده و دخلها فى 26 اكتوبر 1052.
بيقول ناصر خسرو انه فى رحلته الطويله ما شافش الامن و العدل الا فى اربع اماكن هى مصر و الديلم و الدشت و طبس .[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.