الحرب الاهلية الامريكيه

الحرب الاهلية الامريكية كانت حرب قامت بين مجموعة من ولايات الشمال و ولايات الجنوب الامريكى لاختلافهم على قضايا كتيرة منها قضية العبودية ، الحرب استمرت اربع سنين و كان من نتايجها ان العبودية خلصت فى امريكا تماما ، بعد الحرب امريكا دخلت فى مرحلة اعادة البناء . من قبل ما تنطلق الرصاصة الاولى فى فورت سومتر كان الكل متوقع ان الولايات الشمالية هتكسب ببساطة لانها اغنى ومتطورة اكتر من الولايات الجنوبية خصوصا فى التصنيع و خطوط السكك الحديد واكتر كمان فى عدد السكان . رئيس الولايات الشمالية كان ابراهام لينكولن والجنوبيين بقى اختارو جيفرسون دايفز عشان يكون رئيسهم .

الحرب الاهلية الامريكيه
بداية 12 ابريل 1861  نهاية 9 ابريل 1865
خطأ لوا في وحدة:Mapframe على السطر 384: attempt to perform arithmetic on local 'lat_d' (a nil value).

قتلى من الطرفين فى حرب اهليه امريكيه

اشهر القاده العسكريين فى الجنوب كان روبرت اى لى وتقريبا كان هو العامل الرئيسى فى ان الحرب طولت اربع سنين بسبب تكتيكاته العسكرية الجبارة. من القاده الجنوبيين كمان كان فى ناثان بدفورت فوررست وده كان ظابط فى الخيالة الجنوبية وعامل رعب فى صفوف الشماليين . من ناحية الشماليين بقى كان فى القائد جرانت وده الوحيد اللى قدر يفهم لى ويتغلب عليه ، وكمان كان فيه القائد شيرمان اللى اخترق ولاية جورجيا ومشى لحد البحر و هو بيفك اسر العبيد فى حدث مشهور اسمه مشية شيرمان للبحر.