بيسبول

البيسبول او كره القاعده رياضه جماعيه ليها شعبيه كبيره فى امريكا و شويه دول تانيه. اصل اللعبه و تطورها كان من نفس جذور لعبه الكريكت من اوروبا فى الغالب.^[1][2]

بيسبول
صنف فرعى من	رياضة فرق
بيمارسها	لاعب بيسبول
بلد المنشأ	امريكا
رمز يونيكود	⚾
معرض صور بيسبول  - ويكيميديا كومنز
تعديل

تعتبر امريكا اللى نظمت و هيكلت اللعبه و اول القواعد الحديثه للعبه اتسجلت فى امريكا سنه 1845. بعدها اتاسس اول الدوريات بين 1857 و 1858. سنه 1869 انسمح بالاحتراف فى اللعبه, بعد سبع سنين اتعملت الرابطه الوطنيه سنه 1876.

على مستوى العالم يعتبر كاس العالم لبيسبول اللى ينظمها الاتحاد الدولى للبيسبول هى المنافسه الدوليه الكبرى الابرز.

تاريخ

مافيش تاريخ محدد لاصل اللعبه بس فيه اجماع ان لعبه البيسبول المعاصره اتطورت بالاصل فى امريكا الشماليه على ايد اللى جابوها معاهم من بريطانيا و ايرلندا.^[3][4][5][6]

القوانين

مبادئ

رياضه بيسبول بين فريقين, كل فريق تسعه لاعبين, بيتناوبون على "الهجوم" و هو محاوله الحصول على نقاط عن طريق ضرب الكوره اللى بيرميها الرامى من الفريق التانى و "الدفاع" و هو محاوله مسك الكوره اللى بيضربها الضارب و منعه من تسجيل النقاط.

بالنسبه للدفاع, فيه تسع لاعبين موزعين بين: الرامى و الكاتشار و سبع لاعبين, اربعه فى الملعب: القاعده الاولانىى, و القاعده الثانيه, و القاعده التالته, و واحد فى الشورت ستوب (بين القاعدتين التانيه و التالته)و تلات لاعبين فى الجزء البرانى من الملعب (الشمال, المركز اليمين). كل لاعب مهمته الرئيسيه هى مسك الكور و توصيلها للقواعد قبل ما يوصل الضارب بعد ما ضرب.

كل مباره تسع جولات كل جوله شوطين, بيلعب كل فريق فى شوط بالتناوب فى مركزى الدفاع و الهجوم.

الحكام

فى الماتشات اللى بيكون فيها اكتر من حكم بيكون الحكم الرئيسى المسؤول هو الحكم اللى ورا اللوحه و كل الحكام ليهم نفس السلطات.^[7]

الكوره

محيط الكوره حوالى 23 سم (23.5 سم كحد اقصى) بوزن حوالى 140 جرام. و هى مصنوعه من الفلين و المطاط و متغطيه بشريطين جلديين متخيطين (108 درزه).

المضرب

طول المضرب حد اقصى 107 سانتيمتر و قطره 7 سم. ممكن يكون من الخشب الصلب او من سبيكه معدنيه عشان كده وزنه غير محدد.

الجونتى

اللى بيلبسها لاعبين الدفاع فى حسب المكان استخدمت اول مرة سنه 1875.^[8][9]