جلاسجو

جلاسجو او جلازجو (بالانجليزى:Glasgow بالاسكوتلاندى:Glaschu) هى اكبر مدينه فى اسكوتلاندا و تالت اكبر مدينه من عدد السكان فى المملكه المتحده. جلاسجو مبنيه هلى ضفتين نهر كلايد و بينها و بين لندن حوالى 649 كم و بيعدى فيها نهر تانى اسمه نهر كيلفين و اللى اتاخدت منه اسم وحدة القياس بتاعة الحراره (الكيلفين) جلاسجو مدينه قديمه بيرجع تاريخها لحوالى 2000 سنه و من اوائل الناس اللى استوطنو فيها كانو صيادين السالامون اللى استقرو هناك على ضفاف نهر كلايد. اتأسسست المدينه على ايد قديس مسيحى اسمه القديس مونجو فى القرن السادس و بسسبه اتحولت لمركز دينى مهم فى اسكوتلاندا كلها. شويه شويه اتطورت المدينه و خصوصا بعد تاسيس جامعة جلاسجو سنة 1451 اللى ساهمت بدور كبير فى النهضه و التنوير فى اسكوتلاندا. مع الثوره الصناعيه فى القرن التسعتاشر اتحولت جلاسجو لواحده من اهم المراكز الصناعيه فى العالم كله و خصوصا فى مجال بناية السفن.

جلاسجو
جلاسجو علم	جلاسجو شعار
الاسم الاصلى
البلد	المملكه المتحده (6 ديسمبر 1922–)
المدينه التوأم	بيت لحم [1][2] نورنبرج [3][4][5][6] مرسيليا [7] روستوف نا-دونو [3][8][9] تورينو [10][11] هاڤانا [12] لاهور [13] ميكسيكو سيتى
الارض و السكان
احداثيات	55°51′40″N 4°15′00″W   [14]
مسطحات مائيه قريبه	نهر كلايد كلفن
المساحه	3298 كيلومتر مربع
التعداد السكانى	626410 (2018)[15]
الحكم
التأسيس والسيادة
بيانات تانيه
رمز الاتصال الهاتفى المحلى	141
المنطقه الزمنيه	ت ع م+01:00
الموقع الرسمى	الموقع الرسمى
الرمز البريدى	G1-G80
تعديل مصدري - تعديل

خريطة اسكوتلاندا و باين فيها جلاسجو بالازرق الغامق

الثقافه

جلاسجو مركز ثقافى مهم فى اوروبا كلها و اختاروها سنة 2007 عاصمة الثقافه الاوروبيه . من اههم المعالم فيها مكتبة ميتشيل اللى فيها 1.3 مليون كتاب ، دار الاوبرا الاسكوتلانديه ، الباليه الاسكوتلاندى ، مسرح اسكوتلاندا الوطنى ، الاوركيسترا الاسكوتلانديه الوطنيه الملكيه .

التعليم

جلاسجو فيها اربعه من اكبر جامعات اسكوتلاندا و المملكه المتحده:

• جامعة جلاسجو
• جامعة ستراثكلايد
• جامعة جلاسجو الكاليدونيه
• جامعة غرب اسكوتلاندا