خليل مسيحه

خليل مسيحه ( 1924 - 30 ديسمبر 1998) كان عالم اثار مصرى وطبيب من مواليد القاهره ، و خبير فى الطب الفرعونى و استاذ التشريخ الفنى فى كلية الفنون الجميله (جامعة حلوان).

خليل مسيحه
معلومات شخصيه
تاريخ الميلاد	سنة 1924
تاريخ الوفاة	سنة 1998 (73–74 سنة)
المهنه
تعديل مصدري - تعديل

المؤهلات العمليه

• ديبلوم الفنون الجميله (1948)
• بكالورويوس الطب والجراحه من جامعة القاهره (1959)
• ديبلوم الدراسات العليا للاثار المصريه (1973 )
• ماجيستير فى الفنون الجميلة (1980).
• دكتوراه فى الاثار القبطية من المعهد العالى للدراسات القبطيه فى القاهره ( 1992 ).
• دكتوراه أثار "تأثير الطب الفرعونى فى الطب المصرى من القرن 3ق.ملالقرن 6 بعد الميلاد 1992.

المناصب اللى شغلها

• تدريس الفنون بوزارة التعليم من 1948 - 1984
• تدريس التشريح للفنانين من سنة 1962 بكليات الفنون الجميلة والتطبيقية والمعهد العالى للسينما
• مدير متحف تاريخ الطب والصيدلة (بقصر سكاكينى /الظاهر) فى المدة من 1978 - 1983.
• ممارسه الطب الباطنى (عيادة حره) من التخرج من كليه طب القصر العينى وحتى سنة 1990.

التقديرات والميداليات اللى حصل عليها

• الميدالية البرونزية للفنون الجميلة 1956 - لشباب الجامعات بالاسكندريه
• الميدالية الفضية " الجايزة الأولى لنماذج الطيارات النفاثة " لنادى نماذج الطيارات الملكى سنة 1950 (ونشر عن الفائز فى مقاله بجريده الأهرام)
• “Order of Merit “ from The World Aerospace Education Organization U.S.A. 1979 (October)
• " شهادة تقدير" من وزاره الطيران سنة 1977
• " نوط التقدير " من الندوه القومية الأولى لتاريخ العلوم عند العرب- جامعه بغداد - العراق فبراير 1989.

مؤلفاته اللى تم نشرها

• (1) أطلس تشريح الإنسان (الجزء الأول) باللغتين العربية والانجليزيه 1969
• (2) " التشريح للفنانين " جزء أول وجزء ثان - الطبعة الأولى باللغة العربية- 1987
• (3) " مبادئ علم الموجه الذاتية " باللغة العربية - 1985
• (4) "Your First Steps in Dowsing " 1989, U.S.A.
• (5) Saqqara and Memphis 1987, Cairo

كمان قام بكتابه الكتير من المؤلفات للم تنشر لحد اليوم فى عشرات المجالات ومنها على سبيل المثال لا الحصر:-

• موسوعة عن الطيور المصرية
• لمحات من الطب المصرى القديم
• العلاج بالزيوت والعطور
• قصه أول نموذج طائرة فى التاريخ
• أكسير الحياة (رواية)
• مملكة النور والظلام (رواية)
• ديوان القصائد المبهجه (أشعار وزجل)
• الهرم الاكبر والبندول الفرعوني

أهم ابحاثه فى الاثار المصرية القديمة والحضارة القبطية

• -الكشف عن نموذج الطائرة المصرية القديمة واللى اعلن سنة 1972 ^[1]
• -البحث عن ال اوضه السرية لدفن خوفو سنة 1967
• -بحث رائد عن ادوات الجراحة المصرية والكشف عن آلة التربنة وجراحة المخ فى مصر القديمة.
• -الكشف عن وجود غرف وفراغات جديدة تحت وامام تمثال أبو الهول الكبير بالجيزة.^[2]

وقد كتب الكتير من المقالات اللى نشرتها له جريدة وطنى الاسبوعية فى مصر، زى ما كان من كتاب الموسوعات العلمية ومنها موسوعة من تراث القبط اللى نشرت فى ستة مجلدات سنة 2005. بعدين كشفه عن موقع كنيسة تل اتريب بدلتا مصر. و كتب كمان عن سر التحنيط عند الفراعنة وكيفية علاج المومياوات المصرية المعرضة للتلف ومن ابحاثه الهامة كمان بحثه عن غرف وفراغات تحت أبو الهول الكبير بهضبة الاهرام

أهم ابحاثه فى الطب والطب المكمل

كان رائدا من رواد الطب المكمل فى مصر و كان من أوائل من درسوا العلاج بالهوموباثى أو العلاج بالمثلية ويظهر ده من مذكراته العلمية اللى تعود لسنة 1962، و قان بتطوير اسالوب ونحضير الادوية فى علم الهوموباثى ب أن التحضيرا اللى قام بيها كانت تخلو تقريبا من المواد الكيميائية و كان يعتبرها من اكتشافات القرن الواحد والعشرون، كما أنه كان من أوائل الاطباء اللى مارسوا العلاج بالابر الصينية فى مصر سنة 1970، و كان كمان من رواد العمل فى علم الموجة الذاتية فى مصر والعالم، وفى سنة 1967 اجرى تجارب على بذور النباتات اللى وضعها جوه الهرم الاكبر بعدين قام بزراعتها ليثبت تاثير الشكل الهرمى المتميز على الخلايا الحية و اثبت ان المجسمات الهندسية فى إمكانها ان تؤثر على الخلايا الحية وذلك فى بحث مسجل فى وزراة البحث العلمى فى مصر.

كما قام بتصحيح مخطوط طبى عربي.^[3] و كان أول من كتب مخطوط طبى عن ادوات الجراحة فى مصر القديمة^[4] زى ما كان أول من كشف عن آلة التربنة البرونزية اللى تستخدم فى جراحة المخ عند الفراعنة.^[5]

إنتاجه كفنان تشكيلى

أنتج الدكتور خليل بصفته فنان تشكيلى الكتير من الأعمال الفنية فى صورة لوحات بالباستيل والاكواريل والفحم كمان له اعمال فنية رائعة فى الحفر، لكن الكثير من اعماله الفنية لم تنشر، و كان كمان يقوم برسم كتب الجراحة اللى يدرسها طلبة كليات الطب فى وقت ما كانتش هناك تسهيلات للتصوير فى غرف العمليات

كمان كان رائد فى رسم كروت المعايده فى عيد الميلاد اللى كان يرسلها لاصدقائه فى دول العالم و كان من ابداعاته التجديد فى الفن القبطي.