مارلين تشامبرز

مارلين تشامبرز (Marilyn Chambers) (22 ابريل 1952 - 12 ابريل 2009) ممثلة بورنوجرافية امريكية ، اسمها الحقيقى مارلين آن بريجز (Marilyn Ann Briggs)

مارلين تشامبرز
معلومات شخصيه
الميلاد	22 ابريل 1952 [1][2][3][4][5][6][7]  بروفيدنس
الوفاة	12 ابريل 2009 (57 سنة)[8][1][5][6]  سانتا كلاريتا
سبب الوفاة	نزيف فى المخ
مواطنه	امريكا
الطول	1.7 متر [9]
الوزن	64 كيلوجرام
الزوج	تشاك تراينور (1975–1985)
عدد الاولاد	1
الحياه العمليه
المهنه
اللغه الام	انجليزى
اللغات المحكيه او المكتوبه	انجليزى [10]
بداية فترة العمل	1972
المواقع
الموقع	الموقع الرسمى (انجليزى )[11]
IMDB	صفحتها على IMDB
تعديل مصدري - تعديل

نشأتها

مارلين تشامبرز

اتولدت مارلين تشامبرز يوم 22 ابريل 1952 فى مدينة پروڤيدانس فى ولاية رود ايلاند الامريكية ، وعاشت فترة طويلة فى مدينة ويستبورت فى ولاية كونيتيكت

مارلين تشامبرز كانت شخصية متعددة المواهب ، لانها كانت مغنية و رقاصة و ممثلة مسرح ده غير انها اشتغلت بالسياسه

حياتها الفنية

ظهرت مارلين تشامبرز اول مرة على شاشة السينيما فى سنة 1970 لما مثلت دور صغير فى فيلم The Owl and the Pussycat بطولة الممثلة الامريكية الكبيرة باربرا سترايساند (Barbra Streisand) ، وفى نفس السنة سافرت لمدينة سان فرانسيسكو فى ولاية كاليفورنيا وهناك اشتغلت موديل عريان و رقاصة استربتيز

فى سنة 1972 دخلت مارلين تشامبرز فى مجال البورنوجرافيا بعدما مثلت اول فيلم بورنوجرافى ليها وهو فيلم Behind the Green Door مع الممثل البورنوجرافى الراحل جونى كيز (Johnnie Keyes)

فى سنة 1974 مثلت مارلين تشامبرز دور فى مسرحية Mind Wiyh the Dirty Man ، وده كان اول اعمالها كممثلة مسرح . وبعدما نجحت المسرحية دى مثلت للمرة التانية فى مسرحية Last of the Red Hot Lovers

حياتها السياسية

مارلين تشامبرز كانت مهتمة بالسياسه و بانه يكون ليها دور فى المجتمع ، وعلشان كده سحبت اوراق ترشيحها لمنصب نايب رئيس امريكا عن حزب Personal Choice Party فى انتخابات رياسة امريكا سنة 2004 لكنها فشلت بعدما خدت 946 صوت بس . وكررت المحاولة تانى فى انتخابات رياسة امريكا سنة 2008 بس المرة دى كانت مع حزب Boston Tea Party اللى رشحها لمنصب نايب رئيس امريكا كبديلة عن المرشح الاصلى للحزب توماس ل. كناب (Thomas L. Knapp) وده كان عن ولايات اركانسو و هاواى و لويزيانا و نيڤادا و نيو ميكسيكو و اوكلاهوما و ساوث كارولاينا و ساوث داكوتا و يوتا ، لكنها فشلت للمرة التانية بسبب سقوط مرشح الحزب لمنصب رئيس امريكا تشارلز جاى (Charles Jay) فى الانتخابات

وفاتها

فى يوم 12 ابريل 2009 ماتت مارلين تشامبرز فى بيتها فى مدينة سانتا كلاريتا فى ولاية كاليفورنيا نتيجة نزيف فى المخ و خلل فى الاوعية الدموية المتصلة بالقلب

نسخة محفوظة 2019-08-28 على موقع واي باك مشين.

فيه فايلات فى تصانيف ويكيميديا كومونز عن:

مارلين تشامبرز