محمد صلاح
لاعب كرة قدم مصري From Wikipedia, the free encyclopedia
Remove ads
لووب القالب المحدد: قالب:صندوق معلومات سيرة كرة قدم
خطأ: لا توجد وحدة بهذا الاسم "ملعب/Mr. Ibrahem/f".
محمد صلاح حامد محروس غالى (Mohamed Salah) (15 يونيه 1992 -) لعيب كورة قدم مصرى
Remove ads
نشأته
اتولد محمد صلاح يوم 15 يونيه 1992 فى قرية نجريج فى مركز بسيون فى محافظة الغربيه فى مصر. و بيلعب فى مركز الجناح الايمن و المهاجم الصريح و هوا الايام دى لعيب فى نادى ليفربول فى انجلترا.
مسيرته مع الانديه
المقاولون العرب
بدا محمد صلاح حياته الكروية كناشئ فى نادى المقاولون العرب [11] لعب محمد صلاح اول ماتش له فى الدورى المصرى الممتاز فى 3 مايو 2010 ضد نادى المنصورة فى ماتش خلصت بالتعادل 1-1. فى موسم 2010–11. واصبح صلاح لعيب اساسى فى الفريق, و سجل اول هدف فى 25 ديسمبر 2010 امام نادى الاهلى فى ماتش خلصت بالتعادل 1-1. و ظهرت قدراته و مهاراته العالية و سرعته الرهيبة و داه زاد من اهتمام الاعلام له. و كان قريب من الانتقال لنادى الزمالك قبل الانتقال لـ بازل السويسرى. قبل ما يوقف انتقاله رئيس نادى الزمالك ممدوح عباس. بحجة صغر سنه و قلة خبرته و لعب صلاح اول ماتشاته فى الدورى الممتاز, و هوا عنده 18 سنه, و شارك بديل فى ماتش امام نادى المنصورة. و احرز اول هدف ليه فى الدورى الممتاز قدام النادى الاهلى فى نفس الموسم, فى 25 ديسمبر 2010 فى الماتش تعادل فيها الفريقين1-1.
بازل
فى سنة 2012 و بعد مستواه الممتاز مع نادى المقاولين العرب, كان صلاح فى طريقه للتوقيع مع نادى الزمالك فى صفقه ما تمتش بسبب رئيس النادى وقتها ممدوح عباس, و اتعاقد مع بازل السويسرى فى ابريل 2012 فى صفقه بـ 2 مليون يورو, و احرز صلاح اول هدف رسمى ليه فى الدورى السويسرى قدام نادى لوزان, و كسب مع بازل ببطولة كاس سويسرا, و تم اختياره كافضل لعيب افريقى صاعد سنة 2012. و احسن لعيب فى الدورى السويسرى سنة 2013.
.jpg)
و بعد ما احرز هدفين فى شباك تشيلسى الانجليزى فى دورى ابطال اوروبا موسم 2013 – 2014, كان سبب فى اهتمام الجرانيل العالمية عموما و الانجليزيه خصوصا بالكلام عليه و متابعته فى الماتشات. و بعد احداث كارثة ستاد بورسعيد رتب بازل مباراه وديه مع منتخب مصر تحت 23 سنة. و كان الماتش فى 16 مارس 2012 فى استاد رانكوف فى بازل. و ما شاركش صلاح الا فى الشوط التانى, لكن جاب جولين, و انتهى الماتش بفوز منتخب مصر بنتيجة 4-3.[12] بعد الماتش, دعى نادى بازل محمد صلاح علشان يتدرب مع الفريق لمدة اسبوع, و فى 10 ابريل 2012. وقع محمد صلاح لنادى بازل السويسرى. بعقد لمدة 4 سنين ابتدا من 15 يونيه 2012.[13][14] و اتنقل محمد صلاح لـ بازل السويسرى فى صفقه قياسيه بالنسبه لنادى المقاولين العرب. بـ 2 مليون يورو. بالاضافه لاحتفاظ النادى المصرى بنسبه لو قرر بازل بيعه فى المستقبل. مبداش محمد صلاح مشاركاته مع بازل اساسى, لكن كان على دكة الاحتياط, ففى 23 يونيه 2012 لعب فى ماتش ضد نادى ستيوا بوخارست الرومانى خلصت بخسارة بازل 4-2. بعدكده لعب اول مباراه رسميه مع بازل فى الدور التمهيدى من بطولة دورى ابطال اوروبا. ضد نادى مولده النرويجى فى يوم 8 اغسطس 2012. و دخل بديل فى الدقيقة 74. و احرز اول هدف فى الدورى السويسرى. فى الاسبوع التانى من منافسات الدورى. و فدام نادى لوزان جاب محمد صلاح الجول الاول ليه و التانى لفريقه, و كسب بازل فى الماتش ده بنتيجة 2-0. استمر محمد صلاح فى التهديف, لكن المرادى كان فى الدور الدور ال8 من بطولة دورى اوروبا. ففى 11 ابريل سنة 2013. جاب اول هدف اوروبى ضد توتنهام هوتسبير. و اتاهل بازل للدور اللى بعده بعد ما هزمو توتنهام هوتسبير بضربات الجزاء بعد التعادل 4-4 فى مجموع المباراتين.[15] و فى الدور نص النهائى من بطولة دورى اوروبا. سجل صلاح ضد تشيلسى على استاد ستامفورد بريدج. لكن بازل خسرت 2-5 فى مجموع المباراتين.[16] و برغم خيبة الامل فى المنافسات الاوروبيه, كسب بازل فى موسم 2012-13 من الدورى السويسرى.[17] و بقى وصيف فى مسابقة كاس سويسرا.[18] و زاد اهتمام الجرانيل المصريه و العالميه بمحمد صلاح, بعد ما شارك فى بطولة دورى اوروبا. و جاب جولين فى شبكة توتنهام هوتسبير و تشيلسى الانجليزيين. و حصل محمد صلاح لقب احسن لعيب فى الدورى السويسرى سنة 2013. و اخد جايزة الاتحاد الافريقى لكورة القدم لافضل لعيب صاعد فى افريقيا سنة 2012.[19] مع بداية موسم 2013-14, جاب جول محمد صلاح فى اول ظهور ضد آرو فى 13 تموز 2013.[20] و جاب اول جول ليه فى تشامبيونز ليج بعد شهر ضد نادى مكابى تل ابيب فى الدور التالت من التصفيات اللى بتاهل لتشامبيونز ليج.[21] بعد كده جاب جولين فى شبكة بطل الدورى البلجارى الممتاز نادى لودوجوريتس رازجراد فى الدور الفاصل.[22] فى 18 سبتمبر 2013. جاب محمد صلاح جول التعادل ضد تشيلسى فى الماتش اللى انتهى بمكسب لفريقه 2-1, على ملعب ستامفورد بريدج بـ لندن. فى مرحلة العوده من دور المجموعات فى تشامبيونز ليج. و بالتحديد فى 26 نوفمبر وعلى سانت جاكوب بارك. اكد صلاح موهبته و جاب جول مره تانيه هدف الفوز الوحيد, و كسب نادى بازل للمرة التانيه على نادى تشيلسى.[23] اجمالا, قعد صلاح مع نادى بازل موسم و نص لعب فيهم 79 ماتم وجاب 20 جول فى كل البطولات اللى لعبها.[24]
تشيلسى
للمرة الثانيه صلاح بين عروض كثيره اهمهم تشيلسى و ليفربول الانجليزى, و على عكس رغبة كل متابعيه, اختار صلاح اللعب لاصحاب التيشيرت الازرق, لكن كان جمهوره عايزه يروح لنادى اقل من تشيلسى, علشان تكون فرصة لعبه اكتر, و جاب صلاح اول جول ليكسامكه للبلوز قدام فريق ارسنال فى ماتش انتهى بفوز تشيلسى 6-0 . و فى 26 يناير 2014. اعلن نادى تشيلسى عن انتقال محمد صلاح للـنادى اللندنى ,[25] بصفقه ماعلنوش عنها, لكن قدرتها الصحافة الانجليزيه بـ 11 مليون جنيه استيرلينى تقريبا يساوى 9.3 مليون يورو , وقدر يخطفه من نادى ليفربول اللى اتفاوض معاه مدة تزيد عن شهرين.[26][27]
فيورنتينا
مكانتش اوضاع صلاح فى تشيلسى مرضية لطموحه ولا لجمهوره, لانه فضل فى دكة البدلا لفترات طويلة, علشان كده كان قراره بالرحيل فى اعارة لمدة 6 شهور لنادى فيرونتينا الايطالى فى فبراير 2015. جزء من صفقة انتقال خوان كوادرادو من فيرونتينا الايطالى لتشيلسى الانجليزى, ولعب صلاح اول مرة قدام اتلانتا فى 8/2/2015 فى الماتش اللى كسبت فيه فيرونتينا 3-2 فى يوم 3 فبراير 2015. نقل صلاح لـ فيورنتينا الايطالى فى اعارة لمدة ست شهور ويكون للنادى الحق فى التجديد معاه لموسم تانى, ويعتبر الانتقال ده جزء من صفقة انتقال كوادرادو لـ تشيلسى.[28][29] جاب صلاج اول جول مع فيورينتينا فى ماتشهم ضد ساسولو اللى انتهى بمكسب لفيورينتينا بنتيجة 3-1. و كانت هى الماتش التانيه له, والاولى ليه كاساسى وفيها جاب الهدف الاول وعمل اسيست فى الجول التانى وجاب جوله التانى مع الفريق ضد تورينو بعد ما دخل بديل فى الدقيقة 66 و كانت النتيجة 0-0 فجاب الجول الاول لفريقه فى الدقيقة 85 و بعد دقيقتين عادل النتيجة الفريق التانى علشان تنتهى 1-1. ولعب بديل ضد الانتر وجاب الهدف الوحيد فى الماتش وهدية التلت نقط لفريقه. و فى الدورى الاوروبى لعب محمد صلاح ذهاب ورجوع دور ال16 اساسى ضد توتنهام وجاب الجول التانى فى ماتش الرجوع علشان يؤكد فوز الفيولا وصعوده لدور التمانيه بنتيجة 3-1 فى مجموع الماتشين. و فى اول ماتشاته فى كاس ايطاليا, وبالتحديد فى الدور نص النهائى قدام يوفينتوس. جاب محمد صلاح هدفين للفيولا وخلصت الماتش بفوزهم بنتيجة 2-1. وخسارة اليوڤينتوس باقدام صلاح بعد 47 ماتش ورا بعض على ملعبهم من غير خسارة, كمان كان اول لاعيب يجيب جولين فى شبكة اليوفى فى موسم 2014-15.[30][31] و بعد ماتش مصر ضد جينيا الاستوائية الودية رجع محمد صلاح للفيولا وكمل التالق بتاعه وجاب الجول التانى[32] فى شبكة فريق سامبدوريا فى الدورى الايطالى و لعب محمد صلاح ماتش الذهاب من نص نهائى الدورى الاوروبى و فى الماتش ده كسب فيورنتينا 2-0 وقدم صلاح اداء عالى فى الماتش وجه دور ماتش اشبيلية وخسر الفريق 0-3 وبرغم كده اختاروا صلاح فى التشكيلة المثالية. .
Remove ads
مسيرته الدوليه
لعب محمد صلاح مع منتخب الشباب فى كاس العالم للشباب 2011, و كان جزء من المنتخب الاوليمبى المصرى فى اولمبياد لندن 2012 و جاب جول فى المنتخب البرازيلى و سجل فى ماتشات الفريق فى دور المجموعات, وبقى من نجوم المنتخب المصرى الاول, بعد ما جاب اول جول مع المنتخب فى شبكة النيجر, كمان جاب اول هاتريك دولى ليه فى شبكة زيمبابوى فى يونيو , و فى العموم صلاح عنده سجل ممتاز مع منتخبه بعد ما لعب 35 ماتش دولى وجاب 20 جول.
احصائيات
النادى
|روما 2016–15 الدورى الايطالى الممتاز
الدولية
- الارقام الاولى فى قسم النتيجه و التسجيل تخص المنتخب المصرى.
Remove ads
انجازاته
بازل
- دورى السوبر السويسرى (1): 2012–13.[16]
تشيلسى
- كاس رابطة الاندية الانجليزية المحترفة: 2014-15
الدورى الانجليزى 2014/2015 الفردية
- جايزة الاتحاد الافريقى لكورة القدم لافضل لاعيب صاعد فى افريقيا: 2012[19]
- جايزة احسن لاعيب فى دورى السوبر السويسرى: 2013
- هداف تصفيات افريقيا لكاس العالم لكورة القدم 2014 : 6 اجوال (بالمشاركة مع اسامواه جيان و محمد ابوتريكة)
- جايزة الاتحاد الافريقى لكورة القدم لافضل لاعيب فى افريقيا :2017
- جايزة احسن لعيب فى الدورى الانجليزى الممتاز2018
- جايزة هداف الدورى الانجليزى الممتاز موسم2018
Remove ads
مصادر
لينكات برانيه
Wikiwand - on
Seamless Wikipedia browsing. On steroids.
Remove ads