![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/37/Abbasid_Caliphate_850AD-ar.png/640px-Abbasid_Caliphate_850AD-ar.png&w=640&q=50)
العباسيين
From Wikipedia, the free encyclopedia
العباسيين ، اسره عربيه كونت خلافه من سنة 750 بحكم ابو العباس السفاح لغاية ما قضى المغول على حكمهم و اعدمو المستعصم بالله اللى كان اخر خلفائهم فى بغداد سنة 1258 (سقوط بغداد ابتدا حكمهم بعد ما اتعاونو مع العلويين و قدرو يسقطو الحكم الاموى. نشر ابو مسلم الخراسانى دعوتهم فى خراسان فقام بثوره ضد االامويين سنة 747 و قدرت الجيوش العباسيه فى ظرف سنتين انها تستولى على خراسان و دخل ابو العباس السفاح و ابو جعفر المنصور الكوفه و هناك اتبايع السفاح خليفه ( 749 ) ، و قامت معركه فاصله بين جيوش العباسيين و الامويين على ضفة نهر الزاب الكبير سنة 750 و انهزم الامويين ، و استهل العباسيين حكمهم بمطاردة الامويين و قتلهم و تشريدهم و قدر ابو جعفر المنصور انه يوطد حكم العباسيين و ضرب الثورات و التمردات الكتيره اللى قامت ضد حكمه.
| ||||
---|---|---|---|---|
(بالعربى: الدولة العبَّاسيَّة) ![]() | ||||
خلافه اسلاميه ، ودوله ، ودوله ![]() | ||||
القاره | اسيا افريقيا ![]() | |||
الاسم نسبه لـ | العباس بن عبد المطلب ![]() | |||
المؤسس | ابو العباس السفاح ![]() | |||
البدايه | 750 ![]() | |||
انتهت سنة | 10 فبراير 1258 ![]() | |||
سبقها | الدوله الامويه ![]() | |||
تبعها | إيلخانية مغول فارس ، والفاطميين ، والدوله الطولونيه ![]() | |||
خريطه للموقع | ||||
تعديل ![]() |
![Thumb image](http://upload.wikimedia.org/wikipedia/commons/thumb/e/e1/Abbasids850.png/640px-Abbasids850.png)
![Thumb image](http://upload.wikimedia.org/wikipedia/commons/thumb/a/a7/Flag_of_Afghanistan_%281880%E2%80%931901%29.svg/640px-Flag_of_Afghanistan_%281880%E2%80%931901%29.svg.png)
ظهور الدوله العباسيه سبب تغييرات و تطورات سياسيه و اجتماعيه و ثقافيه فى منطقة الشرق الاوسط. العباسيين اعتمدو على الدين فى الترويج لدولتهم و استمالو الفقها و استشاروهم فى امور تسيير الدوله و دخلو عناصر فارسيه و بعدين تركيه فى جيوشهم و ادوهم مناصب كبيره.
من النواحى الثقافيه قامت نهضه ثقافيه كبيره فى بغداد و فى عهد هارون الرشيد بالذات بغداد بقت عاصمه ثقافيه لكن فى عهده كمان قامت دولة الادارسه المستقله فى المغرب (788) ، و دولة الاغالبه فى افريقيا (800). هرون الرشيد قسم دولته على ولاده التلاته الامين و المأمون و القاسم و ادا ولاية العهد للامين و بعدين للمأمون و بعدين للقاسم فلما مات قام صراع بين الامين و المأمون انتهى بقتل الامين سنة 813 و اتخربت بغداد و حل بيها الدمار.