مهندس مصري From Wikipedia, the free encyclopedia
حسن نور الدين عامر هوا اخو المشير عبد الحكيم عامر و ابنه هوا طارق عامر محافظ البنك المركزى المصرى الحالى, اشتغل فى الهيئه المصريه العامه للبترول و رئيس لنادى الزمالك.[1]
ابوه كان مزارع عنده 150 فدان, كان عنده خمس اخوات اكبرهم هوا عبد الحكيم عامر, و نشا مع الاسره فى واحده من قرى صعيد مصر اسمها اسطال تبع مركز سمالوط بمحافظة المنيا, نقل المنيا و استقرت بيها فتره طويله بعدها رحل مع الاسره مره تانيه القاهره بعد دخوله كلية العلوم جامعة القاهرة, اتخرج المهندس حسن عامر من كلية العلوم, و بدا حياته العمليه بمصلحة الكيمياء, نقل مصانع حربيه اللى كانت فى مرحلة التاسيس, و سافر بعثه فى المانيا لمدة سنه للاستعداد للعمل فى مصنع الحديد والصلب لتوفيراحتياجات القوات المسلحه المصريه, لما رجع كانت فيه بعثه جديدة فى انجلترا و كانت لدراسة صناعة المعادن, و لما البعثه رجعت بقى مهندس فى شركة الحديد والصلب و اتدرج فى الوظايف المختلفه لحد بقى رئيس لمؤسسة البناء و الحراريات و رئيس لمؤسسة البترول فى مصر.
نشا المهندس حسن عامر فى اسرة شديدة الارتباط بالفريق محمد حيدر باشا اللى اشتغل على عملية نقل نادى الزمالك من مقره بدار القضاء العالى لمنطقة مسرح البالون, و بيرتبط المهندس حسن عامر و المشير عبد الحكيم عامر بعلاقة قرابه معاه, و كان حيدر باشا ابن خال والدة المهندس حسن عامر.
اتولى المهندس حسن عامر رئاسة نادى الزمالك مرتين الاولى من سنة 1962 لسنة 1967, و التانيه من سنة 1984 لسنة 1988,.[2][3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.