محمد تيمور ( القاهرة1892 - القاهره 1921 ) مسرحى و اديب و شاعر و كاتب مصرى كبير من رواد القصه و المسرح فى مصر. ساهم مساهمه كبيره فى تطوير المسرح المصرى. اتولد فى القاهره فى عيله ادبيه مثقفه ، ابوه العلامه احمد تيمور و عمته الاديبه عائشه التيموريه و اخوه الاديب الكبير محمود تيمور. درس القانون فى باريس لكن اهتم بالادب المسرحى و مسرح " الكوميدى فرانسيز " و الادب بوجه عام و كان متأثر بالمذهب الواقعى. ساهم فى تأسيس جمعيه انصار التمثيل و مثلت الفرق المسرحيه الكبيره مسرحياته الكوميديه الاجتماعيه زى " العصفور فى القفص " ، و عبد الستار افندى " ( 1918 ) ، و " الهاويه " ( 1921 ) و اوبريت " العشره الطيبه " اللى كتب اغانيها بديع خيرى و لحنها سيد درويش. بيعتبر من رواد القصه القصيره الواقعيه فى مصر و ليه مجموعه قصصيه اسمها " ما تراه العيون ". رغم انه توفى و هوه لسه عنده حوالى 29 سنه كان اثره كبير على نهضه الادب المصرى الحديث و المسرح فى مصر.