![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/93/Lepsius-Expedition-Cheops-Pyramide.jpg/640px-Lepsius-Expedition-Cheops-Pyramide.jpg&w=640&q=50)
مصرولوجيا
From Wikipedia, the free encyclopedia
المصرولوچيا او علم المصريات - بالانجليزى ايچيپتولوچى Egyptology / و بالفرنساوى Egyptologie / و بالألمانى Ägyptologie - ، ده علم بيدرس كل اثار وتاريخ دولة مصر القديمه, ومجال علم المصرولوجيا متحدد بالدوله المصريه من الفترة اللى قبل العصور الفرعونيه لحد احتلال وغزو العرب لمصر و شمال افريقيا, وعشان الاهميه التاريخيه و الثقافيه للدوله المصريه القديمه اتعمل علم مستقل بذاته ومن اعظم العلما اللى كان ليهم اسهامات اساسيه فى علم المصريات العالم الفرنساوى شامبوليون والعلما ماسبيرو و مارييت و الانجليزى هارولد كارتر وغيرهم كتير. وفيه حالة احساس ولع و هوس بالمصريات واهتمام بكل حاجة بتخص قدماء المصريين والفن المصرى القديم.
- كتير من الرسامين الفرنساويين اتاثرو بالاثار المصريه و عبرو عنها فى رسومات كتيره موجود منها فى موسوعة وصف مصر, ده غير الرسامين اللى عبرو بعد كده فى لوحات عن تصورهم و رؤيتهم للحضاره المصريه فى اوقات مختلفه.
- بدايات علم المصريات.
![Thumb image](http://upload.wikimedia.org/wikipedia/commons/thumb/6/6c/Egypt.Giza.Sphinx.02.jpg/640px-Egypt.Giza.Sphinx.02.jpg)
بترجع البدايات لعلم المصرولوجيا مع بدايات العلاقات المصريه الفرنساويه اللى بدات بشكل مباشر و قوى فى القرن التمنتاشر لما جه نابوليون بونابارت اللى كان مجيه لمصر مش مجرد حمله عسكريه و انما جاب معاه علما و فنانين كان ليهم اسهامات اللى اتعملت من فى الملاحظات و الابحاث و اللى اتجمعت بعد كده فى موسوعة وصف مصر, اللى اتنشرت باوامر من بونابارت نفسه لمعرفته اد ايه اهمية مصر فى التاريخ و الثقافه القديمه و تاثيرها
- حجر رشيد و علم المصريات
حجر رشيد حجر من البازلت الاسود اكتشفه عساكر الحمله الفرنساويه و هما بيحفرو حوالين قلعة سان جوليان سنة 1799, و بيرجع تاريخ كتابة حجر رشيد لسنة 196 ق م ايام الملك بطليموس الخامس, الحجر اتنقش عليه مرسوم تنصيب بطليموس الخامس فى منف عاصمة مصر القديمه. حجر رشيد عباره عن حجر من البازلت الاسود طوله حوالى 113 سم و عرضه حوالى 75 سم و فيه اجزاء مفقوده من فوق (الجزء الهيروجليفى) و من تحت (الجزء اليونانى), ومكتوب بتلات لغات الهيروجليفى و الديموطيقى و اليونانى. و اخد شامبوليون نسخه لحجر رشيد (نابوليون امر بعد اكتشاف حجر رشيد انه يتطبع نسخ لحجر رشيد و تتوزع على العلما لانه ممكن يساعدهم فى فك رموز الحجر, و افترض العلما ان اللى مكتوب على الحجر نص واحد بتلات لغات, و على الاساس ده فكر شامبوليون بان اسم الحاكم اللى بيكون مكتوب جوا خرطوش بيكون موجود جوا خرطوش فى اللغات التانيه اللى موجوده على الحجر و لان الااسماء و بالزات اسماء الاشخاص مابتتغيرش خصوصا الحروف الساكنه اللى مش متحركه فقدر يعرف معانى بعض الرموز الهيروجليفى و ده من فى انه كان بيعرف يونانى كويس.
- مخطوطات مشهوره
- بردية بولاق
- بردية ادوين سميث
- بردية هاريس
- بردية انى (وصايا الحكيم انى)
- ده غير مصادر مهمه و مشهوره تانيه زى
- كتابات العمارنه
- كتاب الموتى(y)
- لوحة نارمر
- حجر باليرمو
- نصوص الاهرام