ويكيبيديا:سياسة الحمايه
From Wikipedia, the free encyclopedia
القاعدة العامه في ويكيبيديا هى حرية التعديل للكل بمن فيهم اليوزرات اللى مش متسجلين, اي شخص بيقرا أي مقاله ليه الحق في تطوير او تصحيح المعلومات بشكل تعاونى, و ده اللى بيمنح ويكيبيديا خاصيتها التعاونيه و نجاحها كمشروع حر, لكن للاسف فى ناس مبتحترمش القاعده دي, و بيحاولو فرض رأى تانى او بيخربو الصفحات بشكل مستمر, اما لاسباب دينيه عقائديه أو لانتمائهم لاحزاب سياسيه أو غيرها من الاسباب و مابيسمحوش لغيرهم يدو رأيهم فى موضوع الصفحه.
الصفحه دى صفحه سياسه رسميه فى ويكيپيديا مصرى.
فى ويكيبيديا, معلومات أى صفحه ممكن تسترجع و ده بفضل نظام (النسخ) المستخدم, بمعنى ان أى تعديل علي اى صفحه بيعتبر نسخه منفصله عن التعديل اللى قبلو, و بكدا استرجاع بيانات اى صفحه بيكون ممكن, بس لو كان التخريب متكرر و كبير و صعب استحماله, او لو كان حيأثر علي اكتر من صفحه بنفس الوقت, ده بيضطر السيسوب بمنع تحرير الصفحات المتعرضه للتخريب.