ভীমকান্ত বৰুৱা

জন্ম	১৯৫১; অসম
ভাষা	অসমীয়া
ৰাষ্ট্ৰীয়তা	ভাৰতীয়
নাগৰিকত্ব	ভাৰতীয়
শিক্ষা	অসমীয়া সাহিত্যত স্নাতকোত্তৰ ডিগ্ৰী আৰু ডক্টৰেট ডিগ্ৰী।
বিষয়	নাগািমজ ভাষা
সহযোগী	নীলিমা বৰুৱা
সন্তান	ঋতুৰাজ বৰুৱা আৰু ঋতুপৰ্ণা বৰুৱা।

ভীমকান্ত বৰুৱা (ইংৰাজী: Bhim Kanta Boruah) হৈছে এগৰাকী অসমীয়া ভাৰতীয় লেখক-সাহিত্যিক, ভাষাবিদ, গৱেষক, অধ্যাপক। তেখেত অসমৰ জনগোষ্ঠীয় ভাষা-অধ্যয়নৰ অন্যতম বাটকটীয়া। তেখেত ডিব্ৰুগড় বিশ্ববিদ্যালয়ৰ ‘ভাষা অধ্যয়ন কেন্দ্ৰৰ’ প্ৰতিষ্ঠাপক সঞ্চালক আছিল৷ আৰু তেখেতৰ যত্নতেই কেন্দ্ৰটিয়ে উন্নত এটি পৃষ্ঠভূমি লাভ কৰে৷ তেখেতে টাই ভাষাৰ পাঠ্যক্ৰম উন্নীত কৰাৰ উপৰিও বড়ো ভাষাৰ স্নাতকোত্তৰ পাঠ্যক্ৰম, মিছিং, দেউৰী, কাৰ্বি ভাষাৰ চাৰ্টিফিকেট পাঠ্যক্ৰমৰ শুভাৰম্ভ কৰে৷ কাৰ্বি আংলঙৰ ডিফুত অৱস্থিত ‘চেণ্টাৰ ফৰ্ ষ্টাডিছ ইন কাৰ্বি লেংগুৱেজ’ প্ৰতিষ্ঠাৰ ক্ষেত্ৰত তেখেতৰ প্ৰধান ভূমিকা আছিল৷ তদুপৰি ডিব্ৰুগড় বিশ্ববিদ্যালয়ত থাই ভাষাৰ পাঠ্যক্ৰম, চীনা ভাষাৰ পাঠ্যক্ৰম আৰু হিন্দী ভাষাৰ পাঠ্যক্ৰমৰ শুভাৰম্ভ তেখেতৰ যত্নতেই হয়৷ বৰুৱাই ডিব্ৰুগড় বিশ্ববিদ্যালয়ৰ অসমীয়া বিভাগৰ প্ৰথমজন আৰু একমাত্ৰ এমেৰিটাছ প্ৰফেছৰ হিচাপে অৱসৰ গ্ৰহণ কৰে। তেখেত ডিব্ৰুগড বিশ্ববিদ্যালয়ৰ আবাসসমূহৰ দীৰ্ঘকালীন মুখ্‍‍্য অধীক্ষক, গ্ৰন্থাগাৰ আৰু তথ‍্য প্ৰযুক্তি কেন্দ্ৰৰো দীৰ্ঘদিন ধৰি সন্চালকআছিল ।ভাৰতবৰ্ষৰ কেইবাখনো কলেজ, বিশ্ববিদ্যালয় আৰু চৰকাৰী সংস্থাৰ কাম কাজৰ লগত জৰিত । ইংৰাজী, নাগামিজ আৰু অসমীয়া, এই তিনিওটা ভাষাতে তেখেতে সাহিত্য চৰ্চা কৰি আহিছে৷ তেখেত ডিব্ৰুগড় বিশ্ববিদ্যালয়ৰ অসমীয়া বিভাগৰ প্ৰথমজন ডক্টৰেট৷ বিশ্বৰ বিভিন্ন আন্তঃৰাষ্ট্ৰীয় বিশ্ববিদ্যালয়ৰ আমন্ত্ৰণ ৰক্ষা কৰি তেখেতে বক্তৃতা প্ৰদান কৰিবলৈ গৈছে৷ বেংককৰ Kasetsart Universityৰ সৈতে ডিব্ৰুগড় বিশ্ববিদ্যালয়ৰ হৈ বিদ্যায়তনিকভাৱে কাৰ্য কৰিবলৈ তেখেতৰ নেতৃত্বতেই MOU চুক্তি সম্পন্ন হয়৷ তেখেত নাগামিজ ভাষাৰ প্ৰথমখন অভিধান, প্ৰথমখন ব্যাকৰণ আৰু প্ৰথম আদিপাঠৰ প্ৰণেতা৷ ^[1] অসম সাহিত্য সভাৰ কনকসেন ডেকা আৰু ডo লীলা গগৈৰ সভাপতিত্বৰ কালছোৱাত দুবাৰকৈ কাৰ্যনিবাহ সদস্য হিচাপে সেৱা আগবঢ়োৱা ডo ভীমকান্ত বৰুৱাই ডিব্ৰুগড় অধিবেশনৰ স্মাৰক-গ্ৰন্থ 'অভিলেখ ' সম্পাদনা কৰি সেৱা আগবঢ়ায় । তদুপৰি তেখেত সভাৰ পত্ৰিকাখনৰ এজন নিয়মীয়া লেখক আছিল। ইয়াৰোপৰি সমাজৰ উন্নতি আৰু শান্তি, প্ৰগতিৰ স্বাৰ্থত তেখেতে ‘সম্প্ৰীতি অসম’ নামৰ অৰাজনৈতিক, বেচৰকাৰী সংন্থা এটি প্ৰতিষ্ঠা কৰি ২০১৩ চনৰপৰা সামাজিক কাৰ্যকলাপ কৰি আহিছে৷ এই সংস্থাটোৰপৰা ইতিমধ্যেই কেইবাখনো মূল্যবান গ্ৰন্থ প্ৰকাশ হৈছে৷^[2] বৰ্তমানলৈকে তেখেতৰ তত্ত্বাবধানত ৩৬ জন শিক্ষাৰ্থীয়ে ডক্টৰেট ডিগ্ৰী আৰু ৩১ জন শিক্ষাৰ্থীয়ে এম.ফিল ডিগ্ৰী লাভ কৰিছে৷ তেখেত এজন গল্পকাৰ আৰু এজন গীতিকাৰো ৷ তেখেতৰ কেইবাটাওগীত you tubeত উপলব্ধ ।তেখেতৰ বহু গীতত ড০ অঞ্জলি চুতীয়া শইকীয়া আৰু অনাঁতাৰ শিল্পী দিপ্তীৰাণী পেগুৱে কণ্ঠ দিছে৷

ক্ষিপ্ৰ তথ্য জন্ম, ভাষা ...

[1]

[2]

ভীমকান্ত বৰুৱা

জন্ম আৰু বংশ পৰিচয়

শিক্ষা

চাকৰি জীৱন

সাহিত্যৰাজি

সম্পাদিত গ্ৰন্থ

সম্পাদিত আলোচনী

বঁটা আৰু সন্মান

অন্যান্য

তথ্যসূত্ৰ

লগতে চাওক

Wikiwand - on