Acelerador de partícules
Aparatu que produz fexes de partícules con muncha velocidá y enerxía. Úsase pa investigar les propiedaes de la materia nel so estáu básicu / From Wikipedia, the free encyclopedia
Un acelerador de partícules ye un dispositivu qu'utiliza campos electromagnéticos p'acelerar partícules cargaes a altes velocidaes, y asina, faeles topetar con otres partícules.[1] D'esta manera, xenérense ensame de nueves partícules que -xeneralmente- son bien inestables y duren menos d'un segundu, esto dexa estudiar más a xeitu les partícules que fueron desintegraes per mediu de les que fueron xeneraes. Hai dos tipos básicos d'aceleradores de partícules: los lliniales y los circulares. El tubu de rayos catódicos d'un televisión ye una forma simple d'acelerador de partícules.[2]
Los aceleradores de partícules asonsañen, en cierta forma, l'aición de los rayos cósmicos sobre l'atmósfera terrestre, lo cual produz al azar una agua de partícules exótiques ya inestables. Sicasí, los aceleradores empresten una redolada muncho más controlada pa estudiar estes partícules xeneraes, y el so procesu de desintegración.
Esi estudiu de partícules, tanto inestables como estables, pue ser nun futuru útil pal desarrollu de la medicina, la esploración espacial, teunoloxía electrónica, etcétera.