Acentu gráficu
From Wikipedia, the free encyclopedia
L' acentu gráficu o tilde ye un signu (´) que s'asitia, por casu, nel asturianu sobre les vocales á, é, í, ó, ú según les regles d'acentuación nel idioma asturianu.
En delles Llingües romániques, como l'asturianu o'l catalán, dacuando utilícense acentos diacríticos pa estremar unes pallabres d'otres de la mesma escritura pero con distintos significaos y usos.
En delles llingües l'acentu ortográficu tien delles variantes, ente elles: el acentu agudu (´) que ye'l más utilizáu, l'acentu circunflexu (^) o'l acentu grave (`). En munches llingües, cada tipu d'acentu puede recayer en distintos tipos de vocal; por casu, nes llingües romances, l'acentu grave apaez xeneralmente en vocales tóniques abiertes —anque en lombardu ù indica la vocal anterior arrondada ü indicada nel AFI como [y]—. N'asturianu, l'acentu agudu ye l'únicu que puede dir sobre una vocal. En francés, l'acentu circunflexu indica l'allargamientu d'una vocal pola perda d'una -s implosiva, anque en portugués el mesmu acentu circunflexu tien l'oxetivu d'indicar el grau d'abertura de la vocal. En griegu y en guaraní esiste la y con acentu agudu (ý).