Aeropuertu d'Ámsterdam-Schiphol
aeropuertu de los Paises Baxos que sirve al área d'Ámsterdam / From Wikipedia, the free encyclopedia
L'Aeropuertu d'Ámsterdam-Schiphol (neerlandés: Luchthaven Schiphol, /ˈlʏxtˌɦaːvə(n) ˈsxɪpɦɔl/) (IATA: AMS, ICAO: EHAM) ye l'aeropuertu d'Ámsterdam, el principal aeropuertu de Países Baxos. L'aeropuertu ta allugáu a 15 km de la ciudá. En 2009 viaxaron más de 51 millones de pasaxeros por Schiphol, lo que-y convierte nel quintu aeropuertu d'Europa y nel Llista d'aeropuertos por tráficu de pasaxeros decimocuartu del mundu. Sicasí tocantes a pasaxeros que viaxaron en vuelos internacionales en 2009, ye'l tercer aeropuertu del mundu. Hai de solliñar que la cantidá de vuelos operaos por compañíes de baxu costu ye bien pequeña, y que más del 40% de tolos pasaxeros viaxen en vuelos intercontinentales, mayoritariamente a Estaos Xuníos, Canadá y Asia. Esti porcentaxe y l'eleváu númberu de pasaxeros converten a Schiphol n'unu de los principales aeropuertos del mundu tocantes a conexones intercontinentales.
Amás ocupa'l tercer llugar como aeropuertu européu con más tonelaes de mercancíes añal (1,539,300 tonelaes) tres Frankfurt y París-CDG. Schiphol ye la base de les compañíes neerlandeses KLM, Martinair y Transavia, y tamién de la compañía d'Estaos Xuníos Delta Air Lines y ye el principal aeropuertu del continente que coneuta Europa con Estaos Xuníos y Canadá. L'aeropuertu dispón d'una gran área comercial, tantu pa los viaxeros como pa los que pasen pola so estación de tren.
Pa llegar dende l'aeropuertu a la ciudá puede optase per diversu medios de tresporte. el tren, que llega a la Estación Central d'Ámsterdam. En coche, tomando l'autopista Y19 hasta'l centru de la ciudá. Taxi o autobús, con rede de tresportes Schiphol Sternet.
Schiphol dispón de 5 grandes pistes de despegue y aterrizaxe, más una que s'utiliza p'aviación xeneral. La quinta pista (realmente la sesta) foi terminada en 2003 y yá esisten planes de mano a construyir una nueva pista más. Schiphol ta capacitáu p'absorber unos 60 millones de pasaxeros añales pero ta previstu qu'esti númberu algame los 85-90 millones en 2012. Debaxo del mesmu aeropuertu atopa una gran estación ferroviaria dafechu soterraña con serviciu de trenes 24 hores al día al centru d'Ámsterdam, a cualquier ciudá neerlandesa, delles ciudaes alemanes y a Bruxeles, Amberes y París.
La direición de Schiphol, aparte del aeropuertu d'Ámsterdam, tamién xestiona los aeropuertos neerlandeses d'Eindhoven, Rotterdam y Lelystad. A un nivel mundial xestiona tamién tol Aeropuertu d'Arlanda n'Estocolmu y partes del Aeropuertu de John F. Kennedy en Nueva York, l'Aeropuertu de Milán-Malpensa en Milán, l'Aeropuertu de Hong Kong, l'aeropuertu de Hamburgu n'Alemaña y l'aeropuertu de Brisbane n'Australia.
El 25 de febreru de 2009 un avión de la Turkish Airlines sufrió un accidente con 135 pasaxeros pela redolada del aeropuertu. Al cayer contra'l suelu l'aparatu partir en trés partes. Nueve persones finaron.[1][2]