Alfonso Cuarón
From Wikipedia, the free encyclopedia
Alfonso Cuarón Orozco (28 de payares de 1961, Ciudá de Méxicu) ye un direutor, guionista y productor de cine mexicanu. Ganador en 2014 del Premiu de l'Academia como Meyor Direutor. Ye hermanu de Carlos Cuarón y tuvo casáu cola crítica de cine italiana Annalisa Bugliani. Considérase-y unu de los cineastes mexicanos más prometedores de la so xeneración, al pie d'otros como Guillermo del Toro o Alejandro González Iñárritu quien tamién consiguieron trescendencia internacional nos últimos años. Ye, dende'l 4 de setiembre de 2017, el 102° miembru d'El Colexu Nacional.
Alfonso Cuarón | |
---|---|
Vida | |
Nacimientu | Ciudá de Méxicu[1], 28 de payares de 1961[2] (62 años) |
Nacionalidá | Méxicu [3] |
Residencia |
Londres Capezzano Monte (en) Nueva York |
Familia | |
Casáu con | Annalisa Bugliani (2001 – 2008) |
Pareyes | Sheherazade Goldsmith |
Fíos/es | Jonás Cuarón |
Hermanos/es | |
Estudios | |
Estudios |
Universidá Nacional Autónoma de Méxicu Escuela Nacional de Artes Cinematográficas (es) |
Llingües falaes |
inglés castellanu[4] |
Oficiu | direutor de cine, guionista, productor de cine, montador, direutor de televisión, direutor de fotografía, actor de televisión, cineasta, productor de televisión |
Altor | 183 cm |
Premios |
ver
|
Nominaciones |
ver
|
Influyencies | Vittorio De Sica, Georges Méliès, Fritz Lang, Spike Jonze, Alain Tanner, Woody Allen, John Sturges, Billy Wilder, Francis Ford Coppola, Martin Scorsese, John Ford, Ernst Lubitsch, Paolo Sorrentino, Stanley Kubrick, Philip Kaufman, Yasujirō Ozu (es) , Ron Howard, Steven Spielberg, Robert Bresson y Friedrich Wilhelm Murnau (es) |
Miembru de | Writers Guild of America, East (en) |
IMDb | nm0190859 |
Cuarón empezó dirixendo la cinta Namái cola to pareya nel so país natal, pero la reconocencia internacional llegó-y con producciones norteamericanes como La princesina (basada na obra de Frances Hodgson Burnett) y col so cuartu llargumetraxe, Y tu mamá también. Darréu dirixó proyeutos de grandes presupuestos y bien recibíos pola crítica como Harry Potter y el prisioneru d'Azkaban, Children of Men y Gravity, película cola que ganó l'Óscar al meyor direutor, lo que lo convirtió nel primer direutor llatinoamericanu en llograr dichu gallardón; igualmente ganó l'Óscar al meyor montaxe.
El so fíu y el so hermanu (Jonás y Carlos Cuarón respeutivamente), son escritores y direutores. Dambos actuaron como co-escritores en delles de les sos obres. Tamién ye amigu de los sos compañeros direutores mexicanos Guillermo del Toro y Alejandro González Iñárritu, quien son descritos como "los trés amigos del cine".