Astérix gladiador
From Wikipedia, the free encyclopedia
From Wikipedia, the free encyclopedia
Astérix gladiador (Astérix gladiateur nel orixinal francés) ye l'álbum cuartu de la serie d'historietes Astérix creaes por Albert Uderzo (dibuxu) y René Goscinny (guión). Tuvo una tirada inicial de 60.000 exemplares. Foi adapatáu en dibuxos animaos en 1985, combinando argumentu d'Astérix gladiador y Astérix llexonariu nuna película col títulu Astérix y la sorpresa del César. La versión n'asturianu asoleyó en payares de 2016, cola traducción de María Xosé Rodríguez López, de manes de la Editorial Salvat.
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| Astérix gladiador | ||
|---|---|---|
| Astérix gladiateur | ||
 | ||
| Publicación | ||
| Formatu | Álbum d'historietes | |
| Primer edición |
En revista: 22/03/1962-10/01/1963 en Pilote nᵘ 126 a 168. N'álbum: 1964 | |
| Editorial | Hachette Livre | |
| Nº páxines | 48, a color | |
| ISBN | 978-2-01210-136-4 | |
| Conteníu | ||
| Tradición | Franco-belxicana | |
| Xéneru | Cómicu | |
| Personaxes principales | Llista completa | |
| Direición artística | ||
| Guionista(es) | René Goscinny | |
| Dibuxante(s) | Albert Uderzo | |
| Serie | ||
| Coleición | Astérix el Galu | |
| Númberu | 4 | |
| Numberación | 37 | |
| Volume anterior | Astérix y los godos | |
| Volume siguiente | La vuelta pela Galia d'Astérix | |
| Sitiu web | ||
| [editar datos en Wikidata] | ||
El Prefeutu de la Galia, Calígula Fulerus va a l'aldea gala a visitar al so amigu'l centurión Gracus Fociconus porque va de vacaciones a Roma y quier lleva-y de regalu a Xulio César ún de los invencibles galos de l'aldea yá famosa nel mundu romanu.
Gracus Fociconus unvia a los sos homes pa que rapten al bardu Asurancetúrix, actu que ye observáu pol neñu Risondérix, que-yos lo cunta a Astérix y Obélix, y estos informen al xefe de l'aldea, Abraracúrcix. Los galos van al campamentu romanu de Petibónum a rescatar al bardu, pero ellí entérense de que'l bardu foi unviáu a Roma como agasayu a César. Deciden unviar a Astérix y a Obélix al so rescate.
Los amigos deciden faer el viaxe per mar. Embárquense nuna galera fenicia, de Tiro, que mientres la trevesía ye atacada por pirates a los que los dos galos vencen, ganándose l'agradecimientu de los fenicios. En Roma atópense con Bocácix, un galu dueñu d'un restaurante que los informa de que'l bardu ta enzarráu nel Circu pa ser tiráu a los lleones nos díes vinientes. Na posada entérense del llugar precisu nel que s'atopa enzarráu'l bardu, na mazmorra nᵘ XVIII del primer soterrañu.
A Xulio César nun-y impresionó l'agasayu del bardu, polo que fai venir a Cayus Obtusus, el preparador de gladiadores, pa que lo tire a los lleones nos xuegos vinientes.
Nos baños coincide Cayus Obtusus colos dos galos. Esti, que siempre anda buscando gladiadores, fíxase nellos, pero la suerte fai qu'estos se presenten voluntariamente pa participar como gladiadores. Cayus Obtusus aceuta y apúrrelos a Frañagüesos pa que los entrene.
Nel Circu los galos ganen a una cohorte, ganen una carrera de carros y énte la solicitú del públicu son perdonaos por César. Tornen col bardu por buque a la so aldea.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
