Atentaos contra Hitler
artículu de llista de Wikimedia / From Wikipedia, the free encyclopedia
Mientres la so vida política el dictador alemán Adolf Hitler foi oxetu de dellos atentaos, delles fontes citen siquier 42 tentatives, pero nenguna tuvo ésitu por cuenta de que Hitler taba permanentemente en custodia de les SS pa caltener la so seguridá y variaba de secute la so axenda, adelantrando o encurtiando la so permanencia nos llugares que visitaba o camudaba de ruta o feches d'actividaes programaes ensin previu avisu o a cencielles por sucesos inesperaos.
Planiar y executar les aiciones riquía per parte de los conspiradores la más absoluta sangre frío, y tar dispuestos a asumir que si fallaben non yá aguardába-yos una ignominiosa y humillante muerte, sinón que tamién afectaría a les sos families y conocíos. Los intentos vinieron tantu per parte de los aliaos como de los sos círculos internos más cercanos.
Dizse que Hitler tenía amás un doble, que lo reemplazó en más de dalguna ocasión (Checoslovaquia) y que pereció na Batalla de Berlín, n'unu de los pasiellos de la Cancillería.