BBC
From Wikipedia, the free encyclopedia
La British Broadcasting Corporation (Corporación Británica de Radiodifusión), más conocida como BBC, ye'l serviciu públicu de comunicación del Reinu Xuníu. Tien la so sede na Broadcasting House en Westminster, Londres. Ye'l mayor consorciu de comunicación del mundu con cerque de 23 000 emplegaos. Les sos funciones son les de retresmitir televisión y radio, en forma pública, nel Reinu Xuníu, la Islla de Man y les Islles Anglonormandes. Ye una entidá de derechu públicu y autónomu, establecida en 1922 por un Decretu Real que garantiza la so independencia del control comercial priváu y políticu.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
BBC | |
---|---|
negociu, radiodifusión pública y organización | |
Llocalización | |
Sede | Londres |
Direición | Reinu Xuníu |
Forma xurídica | Decreto Real (es) y corporación de derecho público (es) |
Historia | |
Fundación | 18 ochobre 1922 |
Fundador |
John Reith (es) George Villiers, 6th Earl of Clarendon (es) |
Eslogan | Nation Shall Speak Peace Unto Nation (en-gb) |
Sector | |
Industria |
periodismu radiodifusión (es) industria mediática (es) |
Productos destacaos |
radiodifusión (es) radiodifusión |
Participación empresarial | |
Filiales | |
Propietariu de |
ver
|
Forma parte de |
ver
|
Datos económicos | |
Emplegaos | 22 219 (2021) |
Ingresos totales | 5 725 000 000 £ (31 marzu 2023) |
Beneficiu netu | −120 000 000 £ (31 marzu 2023) |
Beneficiu enantes d'impuestos | 290 000 000 £ (31 marzu 2021) |
Varios | |
Premios |
|
Web oficial | |
Nel Reinu Xuníu finánciase per aciu d'una llicencia de televisión que paga cada llar, compañía y organización onde haya cualquier equipamientu capaz de recibir y grabar les emisiones de radio y televisión. El preciu d'esta llicencia ye afitáu añalmente pol Gobiernu británicu y alcordáu nel Parllamentu. En 2010 el preciu por llar foi de £145.50.
Fora del Reinu Xuníu opera sol indicativu de BBC World Service y el so llabor ye la de retresmitir per radio y televisión tolos sos productos y más apocayá, tamién per internet. A pesar de compartir esctructures, especialmente'l serviciu de noticies, el World Service opera independientemente y tien un Direutor Executivu propiu. Finánciase principalmente por fondos públicos del Gobiernu británicu, independientemente del financiamientu proveniente de la llicencia de televisión.
La otra fonte de financiamientu de la Corporación ye per aciu les sos filiales comerciales, BBC Worldwide Ltd. (venta de programes y formatos, publicación de revistes y llibros) y pol arriendu de los sos estudios de televisión, propiedá de la filial BBC Studios and Post Production Ltd. (enantes BBC Resources Ltd.).