Bartolomé Esteban Murillo
pintor español (1617–1682) / From Wikipedia, the free encyclopedia
Bartolomé Esteban Murillo (avientu de 1617, Sevilla – 3 d'abril de 1682, Sevilla y Cádiz) foi un pintor barrocu español. Formáu nel naturalismu tardíu, evolucionó escontra fórmules propies del barrocu plenu con una sensibilidá que dacuando antemana'l Rococó en delles de les sos más peculiares y asonsañaes creaciones iconográficas como la Inmaculada Concepción o'l Bon Pastor en figura infantil. Personalidá central de la escuela sevillana, con un eleváu númberu de discípulos y siguidores que llevaron la so influyencia hasta bien entráu'l sieglu XVIII, foi tamién el pintor español meyor conocíu y más apreciáu fora d'España, l'únicu del que Sandrart incluyó una curtia y fabulada biografía na so Academia picturae eruditae de 1683 col Autorretratu del pintor grabáu por Richard Collin.[7] Condicionáu pola vecería, el gruesu de la so producción ta formáu por obres de calter relixosu con destín a ilesies y conventos sevillanos, pero a diferencia d'otros grandes maestros españoles del so tiempu, cultivó tamién la pintura de xéneru de forma siguida ya independiente a lo llargo de bona parte de la so carrera.[8]
Bartolomé Esteban Murillo | |
---|---|
Vida | |
Nacimientu | Sevilla[1], avientu de 1617[2] |
Nacionalidá | España |
Muerte | Sevilla y Cádiz[1], 3 d'abril de 1682[3] (64 años) |
Causa de la muerte | muerte por caída desde altura (es) |
Familia | |
Casáu con | Beatriz Cabrera y Villalobos (en) |
Estudios | |
Llingües falaes | castellanu[4] |
Alumnu de | Juan del Castillo (pintor) (es) |
Profesor de |
Pedro Núñez de Villavicencio (es) Fernando Márquez Joya (es) |
Oficiu | pintor |
Llugares de trabayu | Sevilla, Cádiz y Madrid |
Influyencies | Diego Velázquez y Francisco de Zurbarán |
Movimientu | pintura del Barroco (es) [5] |
Xéneru artísticu |
pintura relixosa pintura de xéneru |
Creencies | |
Relixón | Ilesia Católica |