La batalla de Moscú (rusu: Битва под Москвой, tr: Bitva pod Moskvói; n'alemán: Schlacht um Moskau) ye'l nome dau polos historiadores soviéticos a dos periodos de llucha estratéxicamente significativos nun corredor de 600 km del Frente Oriental mientres la Segunda Guerra Mundial. Estos episodios tuvieron llugar ente'l 2 d'ochobre de 1941 y el 7 de xineru de 1942. L'esfuerciu defensivu soviéticu atayara la estratexa de Hitler de tomar la ciudá de Moscú, capital de la Unión de Repúbliques Socialistes Soviétiques (URSS) y la so ciudá más grande, y que yera considerada'l primer oxetivu militar y políticu de la fuercies de la exa pa la invasión de la Xunión Soviética.
Datos rápidos Fecha, Llugar ...
Batalla de Moscú |
---|
Parte de guerra Xermano-Soviética y Segunda Guerra Mundial |
|
Fecha |
30 setiembre 1941 → 20 abril 1942 |
---|
Llugar |
Óblast de Moscú y contornes, Xunión Soviética |
---|
Coordenaes |
55°45′08″N 37°37′56″E |
---|
Resultáu |
Victoria aplatante Soviética. |
---|
Belixerantes |
---|
|
Comandantes |
---|
|
Fuercies en combate |
---|
Grupu d'Exércitos Centro • 1 929 406 soldaos • 1700 tanques • 14 000 cañones Luftwaffe • 549–599 aviones |
Exércitu Bermeyu • 2 136 405 soldaos • 1230 tanques • 7600 cañones Aviación soviética • 936–1376 aviones |
|
Baxes |
---|
250 000–400 000 |
650 000–1 280 000 |
|
[editar datos en Wikidata] |
Zarrar
La estratexa ofensiva alemana denominada Operación Tifón consistía nel emplegu de dos exércitos nun movimientu de pinza. Un exércitu, formáu polos 3.er y 4º Exércitos Panzer atacaría al norte de Moscú contra'l frente de Kalinin, cortando simultáneamente la vía Moscú - Leningráu. L'otru exércitu dirixiuse al sur del óblast de Moscú escontra'l frente occidental soviéticu, al sur de Tula col 2º Exércitu Panzer, ente que el 4º Exércitu avanzaba direutamente escontra Moscú dende l'oeste. Una operación adicional col nome en clave Operación Wotan incluyérase na fase final de la ofensiva alemana.
Primeramente, les fuercies soviétiques realizaron una estratexa defensiva del óblast de Moscú por aciu la construcción de tres cinturones de defensa, esplegando reserves recién reclutadas y tamién trayendo tropes de Siberia y del distritu militar del alloñáu oriente. Subsecuentemente, a midida que llograben detener la ofensiva alemana, empezaron a executase contraofensives estratéxiques soviétiques y operaciones ofensives de menor escala pa forzar a los exércitos xermanos a asitiase pela redolada de les ciudaes de Oriol, Vyazma y Vítebsk, tando cerca d'arrodiar tres exércitos alemanes nel procesu.