Biblioteca d'Alexandría
From Wikipedia, the free encyclopedia
La Biblioteca Real d'Alexandría o Antigua Biblioteca d'Alexandría, foi na so dómina la más grande del mundu. Asitiada na ciudá exipcia d'Alexandría, envalórase que foi fundada a empiezos del sieglu III e.C. por Ptolomeo I Sóter, y ampliada pol so fíu Ptolomeo II Filadelfo, llegando a allugar hasta 900 000 manuscritos. La nueva Biblioteca Alexandrina, remembrando la orixinal y promovida pola Unesco, foi inaugurada'l 16 d'ochobre de 2002[1] na mesma ciudá. Escarecer de testimonios precisos sobre los sos aspeutos más esenciales, y nun s'atoparon ruines, amás les ruines del Serapeo son bien escases.
Biblioteca d'Alexandría | |
---|---|
biblioteca d'investigación | |
Llocalización | |
País | Exiptu |
Gobernaciones | gobernación d'Alexandría |
Asentamiento portuario (es) | Alexandría |
Coordenaes | 31°13′N 29°55′E |
Historia y usu | |
Destrucción de la Biblioteca de Alejandría (es) | 48 edC |
Dedicación | Muses |
Arquiteutura | |
Arquiteutu/a | Ptolomeo I |
Estilu | arquiteutura helenística |
Númberu d'oxetos | 1 000 000 pieza (es) |
Pa dellos escritores llatinos, la Gran Biblioteca fundada polos Ptolomeos apenes resultó afeutada na quema provocada poles tropes de Xuliu César en 48 e.C. Probablemente, el fin de la biblioteca tien d'asitiase nun momentu indetermináu del sieglu III o del sieglu IV, quiciabes en 273, cuando l'emperador Aureliano tomó y escaló la ciudá, o cuando Diocleciano fixo lo propio en 297.
La biblioteca-fía del Serapeo, socesora de la Gran Biblioteca, foi expoliada, o siquier vaciada, en 391, cuando l'emperador Teodosio el Grande ordenó al patriarca cristianu Teófilo d'Alexandría, la destrucción de los templos paganos de la ciudá de los Ptolomeos.
De manera que la Gran Biblioteca yá sumiera nel momentu de la dominación árabe, anque dellos escritores comentaron que'l califa Umar ibn al-Jattab, que gobernó ente 634 y 644, ordenó la destrucción de miles de manuscritos, que de xuru veníen de biblioteques posteriores.
Dende'l sieglu XIX, los eruditos intentaron entender la organización y estructura de la Biblioteca, y aldericóse enforma sobre la so final. Les conocencies sobre la Biblioteca, cómo foi, cómo trabayaron los sos sabios, el númberu exactu de volumes ya inclusive la so mesma situación, son toos bien escasos, yá que bien pocos testimonios hai al respeutu, y entá éstos son esporádicos y tremaos. Los investigadores y los historiadores de los sieglos XX y XXI aportunaron en que se formó una utopía retrospectiva en redol a la Biblioteca d'Alexandría. Nun hai dulda de que la Biblioteca esistió, pero apenes hai certidumes no escrito sobre ella. Fixéronse centenares d'afirmaciones contradictories, dudoses o a cencielles falses, realizando camientos a partir de bien pocos datos que, la mayoría de les vegaes, son namái aproximamientos.