Bioteunoloxía
usu de sistemes y organismos vivos para desenvolver o facer productos útiles / From Wikipedia, the free encyclopedia
La bioteunoloxía[1] ye la teunoloxía basada na bioloxía, especialmente emplegada n'agricultura, farmacia, ciencia de los alimentos, ciencies forestales y medicina. Desendólcase nun enfoque multidisciplinariu qu'involucra delles disciplines y ciencies como bioloxía, bioquímica, xenética, viroloxía, agronomía, inxeniería, física, química, medicina y veterinaria ente otres. Tien gran repercusión na farmacia, la medicina, la microbioloxía, la ciencia de los alimentos, la minería y l'agricultura ente otres estayes.
Bioteunoloxía | |
---|---|
ciencia interdisciplinaria, Ciencies aplicaes, industria (es) , disciplina académica y tipo de tecnología (es) | |
teunoloxía | |
Ye probable que'l primeru qu'emplegare esti términu fuera l'inxenieru húngaru Karl Ereki, en 1919, quien la introduxo nel so llibru Bioteunoloxía na producción cárnica y lláctea d'una gran esplotación agropecuaria.[2][3]
Según el Conveniu sobre Diversidá Biolóxica de 1992, la bioteunoloxía podría definise como "toa aplicación teunolóxica qu'emplegue sistemes biolóxicos y organismos vivos o los sos derivaos pa la creación o modificación de productos o procesos pa usos específicos".[4]
El Protocolu de Cartagena sobre Xuridá de la Bioteunoloxía del Conveniu sobre la Diversidá Biolóxica[5] define la bioteunoloxía moderna como l'aplicación de:
- Téuniques in vitro d'ácidu nucleico, incluyíos l'ácidu desoxirribonucleico (ADN) recombinante y la inyeición direuta d'ácidu nucleico en célules o orgánulos, o
- La fusión de célules más allá de la familia taxonómica que superen les barreres fisiolóxiques naturales de la reproducción o de la recombinación y que nun son téuniques emplegaes na reproducción y seleición tradicional.