Britania[1] (Britannia en llatín) ye'l términu que designaba a la islla de Gran Bretaña primero que se produxeren les invasiones xermanes. El nome de Britania vien de la denominación llatina Britannia que se dio nel Imperiu romanu a la islla. El nome Britannia en llatín provién de la denominación griega Πρεταννικά Νησιά (Pretanniká Nesiá) que-y dio Piteas de Marsella a les islles esploraes al norte de la Galia Comata (o Galia Cabelluda) por él nel 330 y 320 e.C. El términu Πρεταννικά (Pretanniká) o Πρεταννική (Pretanniké), provién quiciabes de la designación en dialeutu celta britanu (galés antiguu) pa esi territoriu que Piteas escuchó nomar: Ynys Prydein. Ynys significa islla y Prydein provién de prydyn, que significa tatuaxe. Fueron nomaes asina polos tatuaxes pintorescos que llevaben los sos habitantes.
Pa ver otros usos d'esti términu, Britania (dixebra).
Datos rápidos Alministración, Xeografía ...
Zarrar