El Cáucasu
rexón d'Eurasia / From Wikipedia, the free encyclopedia
El Cáucasu[1] (n'azerbaixanu Qafqaz, en rusu Кавказ, Kavkaz; en xeorxanu კავკასია, K'avk'asia; n'armeniu, Կովկաս, Kovkas; en turcu Kafkas; en persa قفقاز ) ye una rexón natural asitiada na llinde ente Europa del Este y Asia occidental, ente'l mar Negru y el Mar Caspiu, qu'inclúi a la mesma cordal d'El Cáucasu y les tierres baxes circundantes, cuntando con un llargor total d'unos 1.200 km.
El Cáucasu | |
---|---|
Situación | |
Tipu | rexón xeográfica |
Coordenaes | 42°15′40″N 44°07′16″E |
Datos | |
Altitú media | 5642 m |
Puntu más altu | Monte Elbrús |
Llonxitú | 1200 km |
El so cume asitiáu a mayor altitú ye'l monte Elbrus, de 5.642 m d'altitú, anque esisten otros trés picos que superen los 5.000 m d'altitú, el Dykh Tau (5.203 m), el Chkhara (5.068 m) y el Kazbek (5.047 m), y dellos otros que superen los 4.000.
Esta rexón puede tar razonablemente estremada en 2 subrexones:
- Cáucasu Sur o Transcaucasia na aguada sur de los montes del Gran Cáucasu, onde coesisten tres estados independientes: Armenia, Azerbaixán y Xeorxa. Esta subrexón suelse incluyir dientro del Próximu Oriente.
- Cáucasu Norte o Ciscaucasia na aguada norte, que pertenez a la Federación Rusa y estrémase en siete repúbliques autónomes: Chechenia, Osetia del Norte, Ingusetia, Kabardino-Balkaria, Karacháevo-Cherkesia, Adiguesia y Daguestán. Esta subrexón suelse incluyir dientro d'Europa Oriental.
Trátase d'una rexón con una dilatada y variada historia, pola que pasaron gran variedá de pueblos y civilizaciones, que se reflexen na so actual composición étnica, relixosa y llingüística.