Cambéu fonéticu
From Wikipedia, the free encyclopedia
Llámase cambéu fonéticu a cualquier cambéu nel nivel fonéticu-fonolóxicu d'una llingua, consistente n'alteriar l'articulación d'un determináu fonema. Un cambéu fonéticu pue ser:
- Puramente fonéticu si l'inventariu básicu de fonemes de la llingua queda inalteráu y a cencielles dellos fonemes reciben una articulación distinta a l'avezáu antes del cambéu.
- Fonolóxicu si l'inventariu básicu de fonemes queda alteriáu, bien porque se pierdan contrastes y por tanto'l númberu de fonemes amenórguese, o bien porque apaezan contrastes relevantes nuevos, lo cual aumenta'l númberu de fonemes.
Tamién s'usa'l términu cambéu fonéticu pa designar al procesu pol cual una llingua alteria'l so sistema fonolóxicu col tiempu. Esti procesu ye una parte de lo que conocemos como cambéu llingüísticu, el procesu universal ya inevitable pol cual les llingües camuden nel tiempu y pol cual los estadios de la llingua de distintes dómines pueden llegar a perder inteligibilidad ente sigo.