Casu (gramática)
categoría gramatical na que'l valor amuesa la función gramatical d'un nome o pronome na oración o frase / From Wikipedia, the free encyclopedia
En llingüística moderna, casu ye la asignación d'un marcaxe morfosintácticu o preposicional a un elementu de la oración según el papel temáticu o xera oracional que desempeña na predicación verbal. El casu gramatical ye un tipu especial de traza gramatical acomuñáu a la rección d'un elementu predicativu, usualmente un verbu. Anque usualmente considérase qu'una llingua tien casos si tien declinación morfolóxica (el llatín, por casu), en realidá tamién esisten casos nes llingües que práuticamente namái tienen declinación preposicional (l'asturianu, por casu). Según la gramática xenerativa, los primeres conócense como casos morfolóxicos y los segundos como casos sintácticos.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
En gramática tradicional el términu casu sirve pa denotar caúna de les diverses formes, según la flexón (tamién llamada declinación) o según la preposición qu'acompaña a un nucleu de sintagma nominal (artículu, sustantivu, axetivu o pronome). En cada llingua'l mesmu casu marca sistemáticamente les mesmes rellaciones gramaticales.