Centru Nacional pa la Información Bioteunolóxica
From Wikipedia, the free encyclopedia
El Centru Nacional pa la Información Biotecnolóxica o National Center for Biotechnology Information (NCBI) ye parte de la Biblioteca Nacional de Medicina d'Estaos Xuníos (National Library of Medicine), ye una parte de los Institutos Nacionales de Salú (National Institutes of Health o NIH). Ta alcontráu en Bethesda, Maryland y foi fundáu'l 4 de payares de 1988 cola misión de ser una importante fonte d'información de bioloxía molecular. Almacena y constantemente actualiza la información referente a secuencies xenómiques en GenBank, un índiz d'artículos científicos referentes a biomedicina, biotecnoloxía, bioquímica, xenética y xenómica en PubMed, una escoyeta d'enfermedaes xenétiques humanes en OMIM, amás d'otros datos bioteunolóxicos de relevancia en diverses bases de datos.
Centru Nacional pa la Información Bioteunolóxica | |
---|---|
institutu d'investigación y biblioteca de datos | |
Llocalización | |
País | Estaos Xuníos d'América |
Estaos | Maryland |
Condáu | [[d:Special:EntityPage/Q488659|{{{2}}} |
Sede | Bethesda (es) |
Direición | Estaos Xuníos |
Coordenaes | 38°59′45″N 77°05′56″W |
Historia | |
Fundación | 4 payares 1988 |
Participación empresarial | |
Organización matriz | Biblioteca Nacional de Medicina de los Estaos Xuníos |
Propietariu de |
ver
|
Elementos esplotaos |
NCBI Gene (es) NCBI Genome (es) NCBI Protein (en) NCBI Epigenomics (en) NCBI Nucleotide (en) NCBI Assembly (en) base de datos taxonómica del National Center for Biotechnology Information d'EE.XX. |
Bolsa de valores | Biblioteca Nacional de Medicina de los Estaos Xuníos |
Web oficial | |
Toles bases de datos del NCBI tán disponibles en llinia de manera gratuita, y son accesibles usando'l buscador Entrez .
El NCBI ufierta amás delles ferramientes bioinformáticas pal analís de secuencies d'ADN, ARN y proteínes, siendo BLAST una de les más usaes.
NCBI alluga xenoma secuenciáu en GenBank, y un índiz de los artículos biomédicos d'investigación en PubMed Central y PubMed, asina como otra información relevante a la biotecnoloxía . Toes estes bases de datos son accesibles en llinia col motor de busca d'Entrez.
El NCBI ye dirixíu por David Lipman, unu de los autores orixinales del programa d'alliniación de secuencies BLAST y una figura estensamente respetada en bioinformática. Tamién dirixe un programa d'investigación intramuros, incluyendo grupos empobinaos por Stephen Altschul (otru co-autor de BLAST), David Landsman, y Eugene Koonin (autor prolíficu sobro xenómica comparativa).