Club Natación Santa Olaya
From Wikipedia, the free encyclopedia
Club Natación Santa Olaya (CNSO), "Oly", ye un club deportivu de Xixón, creáu'l 23 de setiembre de 1953, dedicáu a la natación que cunta con unos 16.000 socios. Tanto l'equipu femenín como'l masculín compiten en Primer División de la Copa d'España de Clubes de Natación.
Club Natación Santa Olaya | |
---|---|
Situación | |
Estáu | España |
Datos | |
Tipu | club deportivu |
| |
Ente los sos llogros tán ganar la Copa Stadium en 1994, según ser unu de los pocos equipos asturianos que s'atopa na máxima categoría nacional de la so deporte. El so máximu rival na ciudá ye'l Real Grupu de Cultura Cuadonga, con quien entama dende 2006 la carrera popular Club Natación Santa Olaya - Real Grupu de Cultura Cuadonga, que se celebra en setiembre.
Foi escoyíu en delles ocasiones pa entamar competiciones a nivel nacional en distintes categoríes, como Campeonatu d'España de Natación o Copa d'España Absoluta de Natación, a onde asistieron nadadores de la Seleición Española como Nina Zhivanevskaya, Olaf Wildeboer, Erika Villaécija, Ana Belén Palombu, Mireia Belmonte o Rafael Muñoz. Inclusive, apostóse nuna ocasión, un partíu de water-polo ente les seleiciones d'España ya Italia en 1999.
Hasta'l momentu tuvo trés nadadores olímpicos: María Olay García y Eva Piñera Piñera que participaron nes Olimpiaes d'Atlanta 1996 y Marco Rivera Miranda, que participó nes d'Atenes 2004 y Beixín 2008, según dellos nadadores que fueron convocaos cola Seleición Española en distintes categoríes, en distintes competiciones internacionales, como'l Tornéu Tres Naciones Junior o'l Festival Olímpicu de la Mocedá Europea.
El 12 de xunetu de 2004, la Santa Olaya foi nomáu Asociación Declarada d'Utilidá Pública.