Club Polideportivo Mérida
From Wikipedia, the free encyclopedia
El Club Polideportivu Mérida foi un club de fútbol asitiáu na ciudá de Mérida (Badayoz) España. Foi fundáu en 1912 col nome de Sportiva Emeritense.[1] A lo llargo de la so historia tamién foi conocíu como Club Deportivo Emerita (1929 a 1934), Emérita Foot-ball Club (1934 a 1936), Sociedad Deportiva Emeritense (1939 a 1966) y Mérida Industrial C. F. (1966 a 1985).
Club Polideportivo Mérida | |||
---|---|---|---|
Situación | |||
Estáu | España | ||
Datos | |||
Tipu | club de fútbol | ||
Fundáu en | 1912 | ||
Desapaecíu en | 2000 | ||
Instalaciones | |||
Estadiu | Estadio Romano (es) | ||
Uniforme | |||
| |||
| |||
El Mérida foi'l primer equipu estremeñu que xugó na Primer División d'España.[2] Fixo'l so debú na temporada 1995-96 y tornó na campaña 1997-98, pero en dambos casos baxó al añu siguiente. Mientres la década de 1990 foi unu de los rivales habituales na segunda categoría y destacó en delles competiciones como la Copa del Rei, na que llegó a cuartos de final nel so últimu añu.
La entidá sumió'l 1 de setiembre de 2000 poles deldes qu'atropó mientres los sos años na Lliga de Fútbol Profesional.[3] El so socesor foi'l Mérida Unión Deportiva, creáu a partir del antiguu filial.