Cognáu
From Wikipedia, the free encyclopedia
En llingüística histórica llámase cognaos a aquellos términos con un mesmu orixe etimolóxicu, pero con distinta evolución fonética y, de cutiu, tamién distinta semántica.
Por casu, encyclopaedia (dende la traducción inglesa) ye un cognáu de enciclopedia (en castellán). Dacuando pueden escribise llargues series de términos cognaos dientro d'una mesma familia de llingües. Por casu, ente les llingües indoeuropees tiense estos dos series de cognaos:
- nueche (asturianu), night (inglés), nuit (francés), Nacht (alemán), nacht (neerlandés), nat (danés), noc (checu, polacu y eslovacu), noch (rusu), nonć (croata), nonć (serbiu), nox (llatín), nakti- (sánscritu), natë (albanés), nos (galés), nueche (asturianu), nueit (aragonés), noite (gallegu y portugués), notte (italianu), nit (catalán / valencianu), noapte (rumanu), nótt (islandés), νύχτα níjta (griegu modernu) y naktis (lituanu). Τodos ellos signfican nueche y tienen una semeyanza fonética evidente; esto debe a que toos deriven del proto-indoeuropéu *nekwt- 'nueche'.
- estrella (asturianu), star (inglés), étoile (francés), Stern (alemán), ster (neerlandés), stella (llatín, italianu), str (sánscritu), seren (galés), estrela (aragonés), estrela (valencianu, gallegu y portugués), estel (catalán), stea (rumanu), stjarna (islandés), αστέρι astéri (griegu modernu), setare (persa) y estêre (curdu). Nesti casu, toos ellos signifiquen estrella y deriven del proto-indoeuropéu *ster- 'estrella'.
La semeyanza de les pallabres cognaes induz de cutiu a traducciones errónees, como la del inglés actually por anguaño», anque lo que significa ye 'realmente' o 'de fechu'; o como policy, que paez que significa «policía», cuando en realidá significa 'norma'. A estos términos llámase-yos falsos amigos.