Confederación Española de Dereches Autónomes
partíu políticu español (1933-1937) / From Wikipedia, the free encyclopedia
La Confederación Española de Dreches Autónomes (CEDA) foi una coalición española de partíos católicos y de dreches mientres la etapa de la Segunda República Española. Dende'l momentu mesmu de la so constitución, nel añu 1933, presentóse como l'alternativa de dreches y d'orde al gobiernu y a les coaliciones republicanu-socialistes.
Confederación Española de Dereches Autónomes | |
---|---|
Confederación Española de Derechas Autónomas (es) | |
partíu políticu | |
Llocalización | |
Sede | Madrid |
Direición | España |
Historia | |
Fundación | 4 marzu 1933 |
Disolución | 19 abril 1937 |
Organigrama | |
Presidente | José María Gil-Robles y Quiñones (1933) |
Considerada una fuercia política conservadora y católica, yera la heredera política de l'Aición Popular d'Ángel Herrera Oria. Dexóse ver a sí mesma como una organización «defensiva», formada pa protexer la relixón, la familia y la propiedá.[1] El so llíder, José María Gil-Robles, llegó a dicir que la so intención yera «dar a España una verdadera unidá, un nuevu espíritu, una política totalitaria», a lo qu'añadió que «la democracia nun ye un fin sinón un mediu pa la conquista del nuevu Estáu. Cuando llegue'l momentu, yá seya al traviés del parllamentu, vamos esaniciar la democracia».[2] Celebró mítines d'estilu fascista.
Afirmó en delles ocasiones que taba defendiendo a España y a la «civilización cristiana» del marxismu, y que l'atmósfera política esistente n'España convirtió nuna cuestión de marxismu contra l'antimarxismu.[3] Cola xubida al poder del Partíu Nazi n' Alemaña, entamó a emplegar táutiques de propaganda similares a les de los nazis: ente otres, la énfasis na autoridá, la patria y la xerarquía.[3] Gil-Robles llegó a asistir a un Congresu del Partíu Nazi en Núremberg y quedó fuertemente ablucáu. Tornó a España col firme compromisu de crear un frente únicu contrarrevolucionariu antimarxista n'España.[3] Nel marcu de la Segunda República Española, acabó convirtiéndose nel gran partíu de mases de la drecha española.