Conferencia sobre la Seguridá y la Cooperación n'Europa
From Wikipedia, the free encyclopedia
La Conferencia sobre la Seguridá y Cooperación n'Europa (CSCE) o Conferencia de Ḥélsinki tuvo llugar en Ḥélsinki (Finlandia) a lo llargo de delles sesiones ente'l 3 de xunetu de 1973 y la decisiva tercer sesión del 30 de xunetu al 1 d'agostu de 1975; ente los Estaos Xuníos d'América, Canadá, la Xunión Soviética y tolos países europeos (incluyendo a Turquía y escluyendo a Albania y Andorra).
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Remató cola trascendental Acta final de la Conferencia sobre la Seguridá y Cooperación n'Europa, conocida tamién como Acta final de Ḥélsinki, Alcuerdos de Ḥélsinki o Declaración de Ḥélsinki. Foi roblada por 35 países. Ye'l puntu de partida de la Organización pa la Seguridá y la Cooperación n'Europa (OSCE). Sicasí, l'acta nun foi venceyante yá que nun tenía estatus de tratáu.
La Conferencia tuvo xuntes posteriores, que tuvieron llugar en Belgráu (4 d'ochobre de 1977 - 8 de marzu de 1978), Madrid (11 de payares de 1980 - 9 de setiembre de 1983), y Viena (4 de payares de 1986 - 19 de xineru de 1989). La Cume de París de 1990 puede considerase como puntu final de la Conferencia, pola desapaición del bloque del este.