Congresu de Berlín
From Wikipedia, the free encyclopedia
El Congresu de Berlín de 1878 ye una asamblea diplomática que se produció en Berlín, del 13 de xunu al 13 de xunetu de 1878 polos representantes de les potencies europees, tres los esfuercios del británicu Benjamin Disraeli pa revisar el tratáu de San Stefano que resultara de la guerra ruso-turca de 1877–1878 y que ponía en peligru l'Imperiu Otomanu, lo cual entraba en contradicción colos intereses del Reinu Xuníu. Foi entamada so la presidencia d'Otto von Bismarck, Canciller d'Alemaña, país anfitrión del congresu.
Tuvieron presentes el Reinu Xuníu de Gran Bretaña ya Irlanda, l'Imperiu austrohúngaru, Francia, Alemaña, Reinu d'Italia, l'Imperiu rusu y l'Imperiu otomanu. Delegaos del Reinu de Grecia, el Reinu de Rumanía, del Reinu de Serbia y del Principáu de Montenegru asistieron nes sesiones que trataben sobre los sos estaos, pero nun yeren integrantes del congresu.
El tratáu resultante robláu'l 23 de xunetu, modifica al Tratáu de San Stefano col que Reinu Xuníu de Gran Bretaña ya Irlanda y l'Imperiu austrohúngaru nun taben conformes.