Contrarreló (ciclismu)
tipu de carrera que vence'l corredor que tarde menos tiempu en completar un percorríu / From Wikipedia, the free encyclopedia
La contrarreló (davezu tamién llamaes crono) ye una modalidá de ciclismu en carretera, onde ciclistes o equipos tienen de realizar un trayeutu en forma separada de los otros participantes.
Constitúin la tercera gran familia de carreres (les otres son les clásiques y les carreres per etapes). Dende mediaos de los años 1990, esiste tamién un Campeonatu del Mundu destináu a corredores nesta especialidá.
Suelen ser ganaes por un tipu de ciclista denomináu rodador (tamién contrarrelojista o pasista), yá que físicamente son los más aptos para esti tipu de prueba.
Esisten 2 categoríes principales: contrarreló individual (C.R.I) y contrarreló por equipos (C.R.E). Tanto individuales o por equipos pueden ser en cualquier tipu de trazáu. Les más habituales son les llanes (ensin xubíes de gran dificultá), anque tamién hai cronoescalades (xubiendo a un puertu), de mediu monte o en baxada (les menos habituales).
Nes pruebes per etapes suel haber una o delles contrarreló, que'l so númberu depende de la so duración. En vueltes curties d'una selmana polo xeneral apuéstase una contrarreló, ente que nes Grandes Vueltes nos últimos años varió ente 2 o 3 ya inclusive se llegaron a facer 4 na Vuelta a España 2004. Si s'esclúin les Grandes Vueltes y el Campeonatu del Mundu, la carrera contrarreló más prestixosa yera'l Gran Premiu de les Naciones. Jacques Anquetil ye'l ciclista que más vegaes trunfó nesa prueba con 9, siguíu de Bernard Hinault con 5.
Mientres los años 1960 y 1970, esistía una modalidá de contrarreló na cual corríase detrás d'una motocicleta, que amenorgaba considerablemente la resistencia del aire y faía rodar a los ciclistes a mayores velocidaes.
Los meyores rodadores itenten dacuando'l récor de la hora, competición que se realiza en velódromu.
Mientres los años 1990, les contrarreló fueron les pruebes que más se beneficiaron de les meyores teunolóxiques, yá seya col insertamientu d'elementos especialmente diseñaos, como manillares o ruedes, o nel cambéu de les bicicletes, favoreciendo asina postures más aerodinámices.